Senden uzaklaşanym bäri men özümi juda ýalňyz duýýaryn. Obamy ýatlaýaryn, ýakynlarymy göresim gelýär. Ara gaty daş! Saňa ýetmek üçin müňlerçe kilometr ýol aşmaly. Özüm baryp bilmesem-de, Watan hakyndaky duýgularym kalbyma giňlik berýär. Aramyzdaky menzillere garamazdan, herdaýym, her pursat alys ilde ýalňyzlykdan üşeýän ruhy dünýämi şol barlyk bilen ýyladýaryn. Şol süýji, ýakymly pursatlar meni gaýta-gaýta ýatlamalara alyp gelýär.
Orta mekdebi tamamlan dessime, atam gündogar dillerinden ökde hünärmen bolar ýaly, ýokary okuw mekdebine okuwa synanyşyp görmegi maslahat berdi.
