Haýran edýär Watanymyň ösüşlere beslenişi,
Bütindünýä bähbitlere ilki bolup seslenişi,
Rowaçlyk ýaran ýyllaryñ, gör, has başgadyr gelişi,
Ylym, bilim, medeniýet getirýär ýüzläp ýeňişi,
Pedere togaply ogluň tutumyny Alla goldar,
Il daýanjy Arkadagly Gahryman Serdarymyz bar!
Yşk düşüp Zemin kalbyna ene Ýer eçilýär läle,
Şowlaýar daýhan yhlasy, müňleýär guşgursak däne,
Rysgal-döwlet gelýär mydam niýeti dürs, ýagşy päle,
Şu topragyň duzun dadan däldir oňa ýat, bigäne,
Dosty dogan, dogany dost eýlänlere üstünlik ýar,
Il daýanjy Arkadagly Gahryman Serdarymyz bar!
