Bu söhbet türkmeniň şireli dili bilen beýan etsek: «Ýedi ýaşdan ýetmiş ýaşla degişli» söhbet. Sebäbimi? Sebäbi biziň gürrüňini etmek isleýän ýazyjymyzyň özi heniz ýetmişden bärde. Ol 1953-nji ýylyň 21-nji aprelinde doglan Goçy Annasähedow. Goçy Annasähedowyň ady uly-kiçi hemmelere, aýratyn hem kiçilere gowy tanyşdyr.
Ertekiler dünýäniň ähli halklarynda bar. Diýmek, ertekiler umumadamzat gymmatlygy. Ertekileriň iň üns bermeli ýeri-de olaryň iň esasy muşdaklarynyň çagalardygyndadyr. Her bir ata-ene, uly ýaşly adamlar öz söýgüli nesilleriniň aňyny erteki bilen iýmitlendirýärler.
