Şu ýazgylary başlajak wagtym birden paýtagtymyzda şu ýylyň maý aýynyň başynda geçirilen «Halkara ulag-üstaşyr geçelgeler: özara arabaglanyşyk we ösüş — 2023» atly II halkara maslahat hem-de sergä gelen myhman bilen bolan duşuşyk ýadyma düşdi.
Bu foruma dünýäniň 40 ýurdundan 400-den gowrak wekil gatnaşypdy. Olaryň arasynda bilermenler, maýa goýujylar, halkara guramalarynyň, maliýe institutlarynyň, BMG-niň, ÝHHG-niň, Bütindünýä bankynyň, ýurdumyzdaky diplomatik wekilhanalaryň, alymlaryň, köpçülikleýin habar beriş serişdeleriniň wekilleriniň, şeýle-de halkara logistika we ekspeditorçylyk kompaniýalarynyň, Halkara gämiçilik edarasynyň, Halkara awtomobil ulaglary birleşiginiň, Demir ýollaryň arasyndaky hyzmatdaşlyk guramasynyň, Halkara ulag forumynyň, birnäçe ýörite düzümleriň wekilleridir ýolbaşçylary bardy.
