"Diýar" žurnaly

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-56, 39-95-30, 39-95-23
Email: diyar-zurnaly@sanly.tm

Gazeti PDF görnüşinde ýükläp almak

Habarlar

Çyn-Maçyna salam bolsun!

Aşgabat şäherindäki daşary ýurt dillerini çuňlaşdyryp öwredýän ýöriteleşdirilen 90-njy orta mekdebiň döwrebap binasy 2012-nji ýylda ulanylmaga berildi. Bu mekdepde okuwçylar rus, iňlis, hytaý dilleri ýaly daşary ýurt dillerini öwrenýärler. Okuwçylara hytaý diliniň öwredilişi bilen gyzyklanyp, ýakynda bu mekdepde alnyp barylýan işler bilen tanyşdyk. Ilkinji söhbetdeşimiz mekdebiň hytaý dili mugallymy Selbi Hajymämmedowa:

19 Mart 2021

Bilim

Iň eýjejik gyzjagaz — 2021

Berkarar döwletimiziň bagtyýarlyk döwründe bagtyýar nesillerimiziň bolelin durmuşda ýaşamagy, şadyýan, sagdyn ösmegi, döwrebap bilim-terbiýe almagy, hünär öwrenmegi, geljekde Watanymyza gerekli adamlar bolup ýetişmekleri üçin uly aladalar edilýär. Bu babatda hormatly Prezidentimiziň durmuşa geçirýän beýik işleri aýratyn bellenmelidir. Şundan ugur alnyp, her ýylda Milli bahar baýramy mynasybetli Türkmenistanyň Magtymguly adyndaky Ýaşlar guramasynyň Merkezi Geňeşi hem-de Bilim ministrligi tarapyndan umumybilim berýän mekdepleriň okuwçy gyzjagazlarynyň arasynda «Iň eýjejik gyzjagaz» atly şadyýan bäsleşik geçirilýär.

19 Mart 2021

Bilim

Watanymyzyň ýüregidir Aşgabat

Öňňin, 17-nji martda Aşgabat şäheriniň Çagalar we ýetginjekler köşgünde paýtagtymyzyň mekdep mugallymlarydyr okuwçylarynyň taýýarlan döredijilik işleriniň bäsleşigi guraldy. «Watanymyzyň ýüregidir Aşgabat» atly bäsleşik Türkmenistanyň Bilim ministrliginiň meýilnamasyna laýyklykda guralyp, onda Aşgabadyň esaslandyrylmagynyň 140 ýyllygy mynasybetli taýýarlanan döredijilik işleriniň 50-ä golaýy görkezildi.

19 Mart 2021

Bilim

Döwrebap tehnologiýalaryň ähmiýeti

Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda ýurdumyzda sanly ulgamy ösdürmekde oňyn işler alnyp barylýar. Häzirki wagtda ýurdumyzyň ykdysadyýetiniň dürli pudaklaryna täze innowasion tehnologiýalary, şol sanda sanly ulgamy ornaşdyryp, bäsleşige ukyply sanly ykdysadyýeti, sazlaşykly işleýän elektron senagatyny döretmek wezipeleri üstünlikli durmuşa geçirilýär. Öňde goýlan bu wezipeler maglumat-aragatnaşyk, şol sanda internet hyzmatlarynyň hiliniň ýokarlandyrylmagyny, hünärmenleriň bu ugurda başarnyklarynyň doly derejede ulanylmagyny talap edýär. Hormatly Prezidentimiziň taýsyz tagallasy bilen milli ykdysadyýetimizi sanly ulgama geçirmek, ýurdumyzy senagatlaşdyrmak baradaky meýilnamalary amala aşyrmak babatda senagat pudagyny ösdürmäge, onuň düzümini toplumlaýyn döwrebaplaşdyrmaga, öňdebaryjy tehnologiýalary ornaşdyrmaga uly ähmiýet berilýär. Häzirki wagtda ýurdumyzda sanly ykdysadyýete geçmek esasynda amala aşyrylýan özgertmeler öz oňyn netijesini berýär.

18 Mart 2021

Bilim

Çaga dünýägaraýşynyň ösüşi

Bilim ulgamynyň has-da ösdürilýän häzirki döwürde özgertmeler üstünlikli durmuşa geçirilýär. Berkarar döwletimiziň bagtyýarlyk döwründe bu ulgamda durmuşa geçirilýän düýpli özgertmeler milli we oňyn dünýä tejribesini özünde jemlemek bilen, mekdebe çenli çagalar edaralaryndan başlap, bilim edaralarynyň ähli basgançaklarynda bilim berlişiniň derejesini düýpli ýokarlandyrmaga ýardam edýär. Döwlet syýasatynyň ileri tutulýan möhüm ugurlarynyň biri hökmünde ýurdumyzyň geljegi bolan ýaş nesliň irki ýaşdan başlap, beden taýdan sagdyn, ruhy taýdan kämil ösüp kemala gelmegi, döwrebap bilim we terbiýe almagy üçin ähli şertler döredilýär. Ýurdumyzda bilim edaralary bilen bir hatarda mekdebe çenli çagalar edaralarynda berilýän bilim hem yzygiderli kämilleşdirilýär.

18 Mart 2021

Bilim

Kitap sergisi

Aşgabat şäherindäki Berdimuhamet Annaýew adyndaky 1-nji ýöriteleşdirilen harby mekdebinde Milli Bahar baýramy mynasybetli “Kitap — bilimleriň açary” atly kitap sergisi guraldy. Sergi bu harby mekdebiň, Türkmenistanyň Döwlet Medeniýet muzeýiniň, we Türkmenistanyň Beýik Saparmyrat Türkmenbaşy adyndaky Şekillendiriş sungaty muzeýiniň işgärleri we mugallymlary tarapyndan bilelikde guraldy. Sergide hormatly Prezidentimiziň Watan goragçylary üçin ýazan ajaýyp kitaplary, türkmen ýazyjylarynyň çeper eserleri we mekdep okuwçylarynyň çeken suratlary ýaýbaňlandyryldy. Aşgabat şäheriniň Medeniýet müdirliginiň garamagyndaky “Aýjan” atly çagalar tans toparynyň we 7-nji çagalar-sungat mekdebiniň sazandalar topary sergini has-da dabaralandyrdylar. Sergi dabara gatnaşanlarda ýakymly täsir galdyrdy.

18 Mart 2021

Bilim

Tejribeden taplanan terbiýeçi

Mary welaýat Baş bilim müdirliginiň we Kärdeşler arkalaşyklarynyň welaýat birleşiginiň bilelikde guramagynda çagalar baglarynyň terbiýeçileriniň arasynda «Ýylyň terbiýeçisi — 2021» atly bäsleşiginiň welaýat tapgyry geçirildi. Oňa welaýatyň çägindäki etrapdyr şäher tapgyrynda ýeňiji bolan terbiýeçiler gatnaşdylar. Bäsleşigiň şertine laýyklykda, emin agzalarynyň gelen netijesi boýunça Türkmengala etrabyndaky 8-nji çagalar bagynyň terbiýeçisi Akgözel Durdyýewa baş baýraga mynasyp boldy we bäsleşigiň döwlet tapgyryna gatnaşmaga hukuk gazandy. Ýeňijä gymmat bahaly sowgat we Diplom gowşuryldy.

18 Mart 2021

Bilim

Kämilligiň berk binýady

Häzirki bagtyýarlyk döwrümizde ylym-bilim ösdürilýär, ýaşlaryň kämil hünärmenler bolup ýetişmegi ugrunda beýik işler durmuşa geçirilýär. Hormatly Prezidentimiziň parasatly baştutanlygynda bilim ulgamynda döwrebap ösüşler gazanyldy, iň kämil tehnologiýalar ornaşdyryldy, okatmagyň döwrebap usullary kemala getirildi. Bu babatda ýaşlaryň kämil hünärmenler, watansöýüji ýaşlar bolmaklaryna hem aýratyn üns berilýär. Türkmen halkynyň milli terbiýesinde asyllylyk, ylymly-bilimli bolmak, belent adamkärçilik, dost-doganlyk ýaly ugurlara aýratyn üns berilýär. Ilki bilen, jemgyýetimize, il-günümize wepaly, belent adamkärçilikli we watansöýüji ýaşlaryň aýdyň geljegimizdigini aýratyn bellemek isleýäris. Şunda çuňňur many-mazmun bilen ýugrulan milli terbiýe aýratyn ähmiýete eýedir.

18 Mart 2021

Bilim

Mekdep okuwçylarynyň ylmy-döredijilik bäsleşigi

Ýurdumyzyň umumybilim berýän mekdeplerinde okuw derslerini kämil öwretmek, okuwçylaryň tebigy zehinlerini we başarnyklaryny ösdürmek, olaryň ylmy-derňew işleri we tehnika bilen meşgullanmaklaryny höweslendirmek, olary hünärlere ugrukdyrmak işleri üstünlikli durmuşa geçirilýär. Şonuň üçin hem Türkmenistanyň Bilim ministrligi tarapyndan umumybilim berýän ýöriteleşdirilen mekdepleriň okuwçylarynyň arasynda robot tehnikasy, takyk we tebigy ugurly okuw dersleri boýunça her ýyl ylmy-döredijilik bäsleşikleri yzygiderli geçirilýär. Bu bolsa okuwçylaryň zehin başarnyklarynyň artmagyna, bilimleriniň kämilleşmegine örän oňaýly täsirini ýetirýär. Bäsleşiklere taýýarlanmak we gatnaşmak bilen okuwçylar ylmy derňewlere mahsus bolan temany saýlamagy, işiň maksadyny we maksada ýetmek üçin çözülmeli meseleleri kesgitlemegi, tema degişli edebiýatlar bilen tanyşmagy, maglumatlary toplamagy, işiň meýilnamasyny düzmegi we meýilnama boýunça işi ýerine ýetirmegi, ýerine ýetirilen işi goramaga taýýarlamagy, ýerine ýetirilen iş boýunça çykyş etmegi öwrenýärler.

18 Mart 2021

Bilim

Sungatlar sanly ulgamda sazlaşdy

Golaýda Maýa Kulyýewa adyndaky Türkmen milli konserwatoriýasy bilen Azerbaýjan Respublikasynyň Uzeýir Hajibaýly adyndaky Akademiýasynyň arasynda Türkmenistanyň Garaşsyzlygynyň 30 ýyllygyna bagyşlanyp, sanly ulgam arkaly onlaýn görnüşde bilelikdäki baýramçylyk konserti guraldy. Bu konsertiň maksatnamasyna esasan iki halkyň hem nusgawy eserleriniň ýaş mugallymlaryň we talyplaryň ýerine ýetirmegindäki çykyşlary girizildi. «Türkmenistan — parahatçylygyň we ynanyşmagyň Watany» ýylymyzda medeniýetleriň dabaralanmagynda, sungat üstünlikleriniň wagyz edilmeginde, sanly ulgamyň netijeliliginiň ýüze çykarylmagynda, tejribeleriň artdyrylmagynda möhüm ähmiýeti bolan wideoaragatnaşyk arkaly geçirilen bilelikdäki konsert baý mazmunlylygy, ýokary täsirliligi, ruhubelentlik häsiýeti bilen tapawutlandy.

18 Mart 2021

Bilim

Ýaşlar — ýurduň röwşen ertiri

Häzirki döwürde dünýäniň ýokary depginler bilen ösýän döwletleriniň hataryna ynamly girýän Türkmenistanda ýaşlaryň hak-hukuklary ygtybarly goralyp, mertebesi belent tutulýar, olaryň ýaşaýyş derejesini we durmuş taýdan goraglylygyny ýokarlandyrmak üçin zerur şertler döredilýär. Ýaşlaryň ylymly, bilimli bolmagyna, milli ykdysadyýetimiziň dürli ugurlary üçin ýaş hünärmenleriň taýýarlanylmagyna aýratyn ähmiýet berilýär. Çünki döwletiň binýady, onuň berkligi ilki bilen ylymly, bilimli, öz kärine erk edip bilýän sowatly we ukyply hünärmenlere baglydyr. Milli Liderimiziň ösüş-özgertmeleri bilim ulgamyndan başlamagy orta we ýörite orta hem-de ýokary okuw mekdeplerinde okuw maksatnamalarynyň halkara kadalara laýyk getirilmegine we ýaşlaryň döwrebap bilim almaklaryna giň ýol açdy. Bilim ulgamyna degişli kanunçylygy kämilleşdirmek jemgyýetiň ruhy, durmuş-ykdysady we medeni ösüşiniň binýadydyr. Ýaşlaryň bilime bolan hukuklarynyň doly derejede durmuşa geçirilmegi, olaryň biliminiň we hünär taýdan taýýarlygynyň dünýä derejesine çykarylmagy we ösdürilmegi Türkmenistanyň ykdysady kuwwatynyň artmagyna goşant goşýan zerur hünärmenleriň ýetişdirilmegine giň mümkinçilik berýär.

17 Mart 2021

Bilim

Kesp-käriniň hakyky ussatlary däbe öwrülen bäsleşigiň ýeňijileri boldular

Ýaş nesle zamanabap bilim-terbiýe bermekde, çagalaryň tebigy zehinini we ukyp-başarnyklaryny ösdürmekde baý tejribe toplan bilim işgärlerini ýüze çykarmak maksady bilen her ýyl güneşli Diýarymyzda «Ýylyň mugallymy» bäsleşigini geçirmeklik asylly däbe öwrüldi. Bu çäre biziň welaýatymyzda-da ýylyň-ýylyna ýokary guramaçylykly geçirilýär. Ynha, golaýda Türkmenabat şäherindäki ýöriteleşdirilen 41-nji orta mekdebiň binýadynda guralan bäsleşigiň welaýat tapgyry hem ýurdumyzda giňden bellenilýän Milli bahar baýramy mynasybetli dabaralar bilen utgaşdy. Oňa bäsleşigiň etrap, şäher tapgyrlarynda öňe saýlanan göreldeli mugallymlaryň 11-si gatnaşdy. Bäsleşik, esasan, dört şertden ybarat tertipde geçirildi. Onuň birinji şertinde mugallymlar ýörite berkidilen synplarda öz okadýan dersleri boýunça okuw-tejribe sapaklaryny geçmekde özara bäsleşdiler. Şonuň ýaly-da sapaklary guramakda okuw-görkezme esbaplaryndan peýdalanyşlary dogrusynda gürrüň berdiler. Bäsleşige gatnaşyjylar öz kesp-kärine degişli berlen sowallara hem jogap berdiler. Adatça bolşy ýaly, ýokary taýýarlykly, ukyp-başarnykly bilim işgärlerine bäsleşikde öňe saýlanmak miýesser etdi. Eminler toparynyň çykaran çözgüdine laýyklykda Döwletli etrabyndaky 27-nji orta mekdebiň mugallymy Aziza Beşimowa hemmelerden öňe saýlanyp, bäsleşigiň ýeňijisi boldy. Ol şeýle-de «Ýylyň mugallymy» bäsleşiginiň döwlet tapgyryna gatnaşmaga hukuk gazandy.

17 Mart 2021

Bilim

Okgunly ösüşde

Arkadag Prezidentimiziň parasatly baştutanlygy bilen Berkarar döwletiň bagtyýarlyk döwründe ägirt uly işler amala aşyrylýar, öňde goýlan beýik maksatlara, uly üstünliklere ýetilýär. Hormatly Prezidentimiziň syýasy, ykdysady, medeni, ylym-bilim babatyndaky ösüşlerimiziň bitewi ulgamyny öz içine alýan düýpli özgertmeleri netijesinde eziz Watanymyz dünýäniň has çalt depginler bilen ösýän ýurtlarynyň hataryna ynamly goşuldy. Ylmyň ösüşini tizleşdirmek, ýokary tehnologiýalaryň, innowasion tejribeleriň netijelerine daýanmak bilen, güneşli Diýarymyzy dünýäniň syýasy, ykdysady, medeni, ylym giňişligindäki hem-de dünýäniň öňdebaryjy döwletleriniň hataryndaky ornuny pugtalandyrmak ýurdumyzda ileri tutulýan wezipeleriň hatarynda kesgitlenilýär. Şundan ugur alnyp, ýurdumyzyň ähli künjegindäki bilim-terbiýeçilik edaralarynda ýaşlaryň aň-bilimini berkitmäge gönükdirilen milli maksatnamalar bilen birlikde dünýä ylmynyň gazananlary tapgyrma-tapgyr durmuşa geçirilýär. Mekdepleriň we çagalar baglarynyň häzirkizaman kompýuter tilsimatlary, şeýle hem interaktiw-multimediýa tehnologiýalary bilen üpjün edilmegi bilimiň hiliniň kämil derejä göterilmegine getirdi. Multimediýa tehnologiýalary dürli görnüşdäki maglumatlary görkezmäge giň mümkinçilik berýär, sapagyň netijeli bolmagyny hem-de öz maksadyna ýetmegini üpjün edýär. Bu özgertmeleriň ylym-bilim ulgamynyň düýpli döwrebaplaşdyrylmagynda, amatly z

17 Mart 2021

Bilim

Ýagty geljege ak ýol

Gahryman Arkadagymyzyň parasatly baştutanlygynda dürli pudaklarda amala aşyrylýan özgertmeler halkymyzyň parahat, eşretli durmuşda ýaşamagyna gönükdirilendir. Bu gün halkymyz hemişelik Bitaraplygymyzyň, mukaddes Garaşsyzlygymyzyň beren bagtyna guwanyp, erkana ýaşaýar. Elbetde, abadançylygyň, parahatçylygyň höküm sürýän ýerinde çagalaryň şadyýan gülki sesleri ýaňlanýar. Bagtyýar çagalygyň mekany bolan ajaýyp ýurdumyzda ýaşlaryň ähli amatlylyklary bolan, kämil tehnologiýalar ornaşdyrylan çagalar baglarynda, mekdeplerde bilim-terbiýe almaklary olaryň bagtyýar geljegini üpjün edýär. Biziň çagalar bagymyzda hem terbiýeçiler özleriniň göreldeli zähmeti bilen ukyply, giň dünýägaraýyşly, başarjaň ýaşlary terbiýelemek babatda netijeli işleri amala aşyrýarlar. Körpeleriň ata-eneleri bilen yzygiderli geçirilýän duşuşyklar, wagyz-nesihat çäreleri bolsa bu ýerde ýola goýlan işleriň netijeliligine oňyn täsirini ýetirýär.

17 Mart 2021

Bilim

Sanly bilim — döwrüň talaby

Bagtyýar zamanamyzda ata Watanymyzyň egsilmez güýç-kuwwaty bolup durýan ýaş nesillerimize halkara hil ülňülerine laýyk gelýän bilim bermekde multimediýa tehnologiýalaryndan, internet ulgamyndan, kämil kompýuterlerden hem-de döwrebap okuw-görkezme esbaplaryndan netijeli peýdalanmak üçin giň mümkinçilikler döredilýär. «Türkmenistanda sanly bilim ulgamyny ösdürmegiň Konsepsiýasy» milli bilim ulgamynyň döwrebap ösmegini şertlendirýär. Çünki sanly bilim ulgamy elektron maglumatlar gorundan peýdalanmagy elýeterli edýär hem-de ulanyjynyň sarp edýän wagtyny ep-esli tygşytlaýar. Şeýle-de internet maglumatlar ulgamy boýunça daşary ýurt tejribesi bilen tanyşmaga, uzak aralykdan olimpiadalardyr ders bäsleşiklerine, maslahatlara gatnaşmaga, okuw gollanmalarynyň, kitaplaryň elektron görnüşlerinden peýdalanmaga, bilimiň ýokary hilini üpjün etmäge, okatmagyň usulyny kämilleşdirmäge hem-de öňdebaryjy tejribeleri özleşdirmäge şert döredýär. Hormatly Prezidentimiziň milli bilim ulgamynda badalga beren oýlanyşykly özgertmeleri esasynda bagtyýarlyk döwrümiziň ýaş nesillerine çuňňur bilim bermek, olaryň arassa ahlakly, ýokary başarnykly, ruhy hem-de beden taýdan sagdyn adamlar bolup ýetişmeklerini gazanmakda yhlasly, döredijilikli zähmet çekmek biziň — bilim işgärleriniň borjudyr. 

17 Mart 2021

Bilim

Zehinliden zehinlisi bar

Türkmenistanyň Magtymguly adyndaky Ýaşlar guramasynyň welaýat geňeşiniň, Balkanabat nebitçilik orta hünär okuw mekdebiniň, Balkan lukmançylyk orta okuw mekdebiniň hem-de welaýat ýörite sungat mekdebiniň birleşen tagallasy bilen geçirilen bäsleşik «Zehinli ýaşlar — Watan buýsanjy» diýlip atlandyryldy. Oňa ady agzalan okuw mekdepleriniň 1-nji ýylynda okaýan talyplar gatnaşdylar. Watanymyzyň daýanjy bolan ýaşlarda jemgyýetimize, medeni we ruhy gymmatlyklarymyza, beýik şahsyýetlerimize, taryhymyza bolan söýgi-buýsanjy artdyrmagy hem-de olary Gahryman Arkadagymyzyň sargytlaryna ygrarly, sagdyn bedenli, giň dünýägaraýyşly, maksada okgunly, bilimli, häzirki zaman tehnologiýalaryndan baş çykarýan adamlar edip terbiýeläp ýetişdirmegi wagyz etmek bäsleşigiň esasy maksady boldy. Bäsleşikde talyplar häzirki zaman türkmen jemgyýeti we jemgyýetçilik ylymlarynyň esaslary, Türkmenistanyň kanunçylygy, häzirki zaman kompýuter tehnologiýalary ugurlary boýunça güýç synanyşdylar, ýagny eminler topary tarapyndan düzülen test görnüşindäki soraglara kompýuter arkaly jogap berdiler.

17 Mart 2021

Bilim

Arkadagly ýurduň bagtly ýaşlary

«Ýaşlar Watanymyzyň güýç-kuwwaty we abraý-mertebesidir. Men merdana halkymyzyň watansöýüjilik, ahlaklylyk, ynsanperwerlik ýaly ajaýyp häsiýetlerini özünde jemleýän nesilleri terbiýelemegi Watanymyzyň gülläp ösmeginiň örän zerur şertleriniň biri hasaplaýaryn» diýip nygtaýan milli Liderimiziň alyp barýan döwlet syýasatynda ýaş nesil baradaky alada ileri tutulýar. Ýaşlaryň durmuş taýdan goraglylygyny üpjün etmekde, dünýä ülňülerine laýyk bilim almagyny, ylym öwrenmegini, hünär edinmegini, kämil ýol-ýörelgelerimize laýyk edepli, terbiýeli, ruhy we beden taýdan sagdyn bolup ýetişmegini gazanmakda zerur bolan ähli şertlerdir mümkinçilikler döredilýär. «Bilim hakynda», «Bedenterbiýe we sport hakynda», “Ýaşlar barada döwlet syýasaty hakynda” Türkmenistanyň Kanunlary, «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasy» munuň subutnamalarydyr. Ýurdumyzyň ýaş nesillerine Watanymyzyň, halkymyzyň geljekki ykbaly ynanylýar. Olar döwletimiziň özleri hakynda edýän işlerinden ruhlanyp, öňde goýlan maksada ýetmekde ukyp-başarnyklaryny gaýgyrmaýarlar. Bagtyýar ýaşlaryň ýurdumyzyň ösüş-özgerişlerine mynasyp goşant goşmakda bitirýän işleriniň netijelerini ykdysady, syýasy, medeni ugurlarda gazanylýan üstünliklerde, ýetilýän belent sepgitlerde aýdyň görmek bolýar. Şonuň üçinem ýaşlarymyz berkarar Watanymyzyň daýanjy hem kuwwaty hasaplanylýar. &nb

17 Mart 2021

Bilim

Ylym-bilim — bagtyýar geljegimiziň gözbaşy

Ertirki günümiziň eýeleri bolan ýaş nesillerimiziň kämil şahsyýetler bolup ýetişmekleri üçin ýurdumyzda bimöçber aladalar edilýär. Bu ugurda hormatly Prezidentimiziň parasatly baştutanlygynda ylym-bilim ulgamyny ösdürmek we kämilleşdirmek bilen baglanyşykly kabul edilen birnäçe kanunlardyr kadalaşdyryjy-hukuk namalary oňyn netijeleri berýär. Hususan-da, Türkmenistanda ylmyň we tehnologiýalaryň ileri tutulýan ugurlary boýunça alnyp barylýan ylmy-barlag işleri ata Watanymyzyň bu ulgamlarda gazanan üstünlikleriniň aýdyň subutnamasydyr. Ylmyň we tehnologiýanyň döwrebaplaşdyrylmagy, öz gezeginde, ýurdumyzda ählitaraplaýyn ösüşi üpjün etmegiň wajyp şertleriniň biridir. Bu ugurda ýaşlara bilim bermek işini döwrüň talaplaryna laýyk guramak, ylmy-tehniki ösüşi üpjün etmekde täze tehnologiýalara we halkara tejribesine esaslanmak, döwrebap usulyýetleri özleşdirmek arkaly milli aýratynlyklarymyz bilen dünýäniň gazananlaryny utgaşdyrmak babatda degişli işler alnyp barylýar. Şolardan ugur alnyp, «Türkmenistanda sanly bilim ulgamyny ösdürmegiň Konsepsiýasy», «Türkmenistanda daşary ýurt dillerini öwretmegi kämilleşdirmegiň Konsepsiýasy» we olary durmuşa geçirmegiň Meýilnamalary boýunça hem degişli işler alnyp barylýar.

17 Mart 2021

Bilim

Watan goragynda mergenlik sungaty

Watan — gör, nähili mukaddes, belent heňde buýsanç bilen aýdylýan söz! Watan — il-günüň maddy we ruhy gymmatlyklary, ar-namysy, göbek ganynyň daman ýeri hakyndaky giň, çuňňur manyly mukaddes düşünje. Watan — her bir ynsan üçin iň beýik mukaddeslik. Çünki ol biziň dünýä inen, gözümizi açyp gören, howasyndan dem alan, goýnunda dil bitiren, üstünde şat çagalygymyzy geçiren ene topragymyz. Bu mukaddesligi goramak bolsa uly buýsanç, belent mertebedir. Häzirki wagtda mukaddes Watanymyz, oňa wepaly, ynam-ygrarly perzentler tarapyndan mäkäm goralýar.

17 Mart 2021

Bilim

Harby okuwçylaryň üstünlikleri

Türkmenistanyň milli bilim ulgamyny ösdürmek, kämilleşdirmek, ýaş zehinleri ýüze çykarmak maksady bilen ýurdumyzyň umumybilim berýän orta mekdepleriniň arasynda her ýyl geçirilýän «Altyn asyryň altyn zehinleri» atly ders bäsleşiginiň 2020 — 2021-nji okuw ýylynda 10-njy, 11-nji synplaryň arasynda nobatdaky welaýat tapgyry geçirildi. Welaýatyň dürli okuw mekdepleriniň zehinli okuwçylary dersler boýunça geçirilýän bäsleşiklere uly höwes bilen gatnaşdylar. Bu bäsleşikde welaýatyň dürli künjeklerinden gelen okuwçylar özleriniň ukyp-başarnyklaryny, zehinlerini doly derejede görkezmegi başardylar. Bäsleşik iki tapgyrdan bolup, onda okuwçylar öz saýlap alan dersleri boýunça dürli sowallara jogap berdiler. Örän çekeleşikli geçen bäsleşikde emin agzalarynyň adalatly baha bermekleri netijesinde, hut biziň, ýagny Türkmenistanyň Goranmak ministrliginiň Ýöriteleşdirilen harby-deňiz mekdebiniň 11-nji synp harby okuwçysy Allaýar Serdarow fizika dersi boýunça 2-nji orna, şeýle-de 10-njy synp harby okuwçylary Şamuhammet Baýjanow taryh dersi boýunça, Lawrenty Gasparýan rus dili dersi boýunça höweslendiriji baýraklara mynasyp bolmagy başardylar. Bäsleşikde ýeňiji bolan okuwçylara welaýat Baş bilim müdirligi tarapyndan derejeli diplomlar we Minnetdarlyk hatlary dabaraly ýagdaýda gowşuryldy. Biz harby okuwçylarymyza bäsleşigiň döwlet tapgyrynda hem uly üstünlikleri arzuw edýäris!

17 Mart 2021

Bilim