2 — 8-nji dekabr aralygynda Mongoliýanyň Ulan-Bator şäherinde ýaşlaryň we ýetginjekleriň arasynda kuraş boýunça geçirilen dünýä çempionaty türkmen ýygyndysynyň agzalary üçin diýseň düşümli boldy. Ildeşlerimiz çempionatyň 7 medalyna eýe boldular.
Abraýly ýaryşa dünýäniň 34 döwletinden 140 türgen gatnaşdy. Türkmen ýygyndysyna bolsa 15 türgen wekilçilik etdi. Ýaryşa gatnaşan ýygyndy toparymyza Türkmenistanyň at gazanan tälimçileri Dörtguly Tejenow hem-de Şirin Kubaýewa ýolbaşçylyk etdi. Bu ýerde erkekler ýygyndy toparymyzyň agzalary hem, gyzlar ýygyndymyzyň wekilleri-de ajaýyp netijeleri görkezdiler.
