Türkmenistan Merkezi Aziýada, Hazar sebitinde we beýleki döwletler bilen hyzmatdaşlygy ösdürmekde netijeli işleri amala aşyrýar. Ýurdumyz häzirki wagtda dünýäniň birnäçe döwletleri bilen diplomatik gatnaşyklary saklaýar we onlarça halkara guramalaryň agzasy bolup durýar. Gözel paýtagtymyz Aşgabadyň häzirki wagtda sebitde we dünýäde parahatçylygy, durnukly ösüşi pugtalandyrmaga we ösdürmäge gönükdirilen halkara maslahatlaryň, duşuşyklaryň, sergileriň, sport ýaryşlarynyň geçirilýän mekanyna öwrülendigi bellenilmäge mynasypdyr.
Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde halkara ähmiýetli işleriň geriminiň giňelmegi ýurdumyzyň ykdysady kuwwatynyň ösüş derejesini kesgitleýär. Ýurdumyzda toýdur baýramlar goşa-goşadan gelýär. Halkymyz agzybirlik we jebislik bilen hemişelik Bitaraplygymyzyň şanly 29 ýyllygyny uly dabaralar, şatlyk-şowhun bilen garşylady. Bitarap Türkmenistan dünýä ýurtlarynyň arasynda ýokary depginler bilen ösýär, ynamly gadam urýar.
