Futbol
Milli futbol çempionatymyzyň 29-njy tapgyrynda Balkanabadyň «Nebitçisi» paýtagtymyzyň «Altyn Asyr» toparyny kabul etdi. Gyzykly hem çekeleşikli ýagdaýda geçen duşuşygyň 55-nji minutynda Rahman Myratberdiýewiň, 66-njy minutynda Begençmyrat Myradowyň geçiren gollaryndan soňra myhmanlar 2:0 hasabynda öňe saýlandylar. Ýöne olara ýeňiş gazanmak başartmady. Balkanabatlylardan Myrat Ýagşyýew 83-nji minutda ara tapawudy ýygjamlatdy. 90-njy minutda Gurbangeldi Batyrowyň geçiren pökgüsi bolsa gutarnykly netijäni mälim etdi.
