Bäherden etrabynyň A.Atdanow adyndaky 1-nji orta mekdebinde 2007-2008-nji ýylda doglan ýetginjek oglanlaryň arasynda sportuň woleýbol görnüşi boýunça etrabyň açyk birinjiligi geçirildi. Bu ýaryşy etrap bedeterbiýe we sport bölümi bilen etrap bilim bölimi bilelikde gurady.
Çekleşikli geçen ýaryşda birinji orny Ahal welaýatynyň ýaş olimpiýaçylary taýýarlaýan sport mekdep-internatynyň topary, ikinji orny Bäherden etrabynyň A.Atdanow adyndaky 1-nji orta mekdebiniň topary, üçünji orny etrap sport mekdebiniň topary eýeledi. Ýaryşyň ýeňijilerine hormat hatlary we ýadygärlik sowgatlar gowşuryldy.
