(Hekaýa)
Gara gädikden Hasar dagyna çykmak has-da amatly görülýär. Atlymy, eşeklimi, pyýadamy garaz, adam-garanyň «garynja gatnawy» özüne ýetik. Olaryň içinde çet ýurtlardan zyýarata gelen dünýä türkmenleri-de az däl. Iki kişiniň başy çatylsa, hezreti Magtymguludan söhbet açylýar. Şeýle söhbetdeşlikleriň birinde akyldar hakynda eşiden täsirli rowaýatymyň gylyny gyrman, alysdan ata Watanyny küýsäp, Pyragynyň nazary düşen topraga gelen arkadaşyma gürrüň berdim. Men ol rowaýaty ýazga-da geçirdim.
