BEHIŞDI BEDEWLERIMIZIŇ WASPY
Türkmen halkynyň hemişelik buýsanjy bolup gelen bedewlerimiz durmuşymyzyň, toýdur baýramlarymyzyň bezegine, ruhy dünýämiziň gymmatly genjine öwrüldi. Türkmen bedewiniň şan-şöhraty müňýyllyklaryň dowamynda hiç wagt egsilmän, gaýtam täze belentliklere göterildi. Bedewe bolan söýgi türkmeniň ýüreginiň töründedir. Munuň şeýledigine hormatly Prezidentimiziň «Ganatly bedewler», «Ahalteke bedewi — biziň buýsanjymyz we şöhratymyz», «Gadamy batly bedew», «Atda wepa-da bar, sapa-da» atly kitaplarynyň sahypalary arkaly göz ýetirmek bolýar.