Angliýanyň Liga Kubogynyň (EFL Cup) ýarym finalynyň 1-nji duşuşyklary geçirildi. «Çelsi» topary myhmançylykda «Middlsbrodan» Hekiniň 37-nji minutdaky goly esasynda 1–0 hasabynda utuldy.
«Liwerpul» öz meýdançasynda «Fulham» toparyny kabul etdi. Çekeleşikli geçen oýunda myhmanlar Willianyň 19-njy minutdaky goly bilen öňe geçdi. Ýöne ruhdan düşmedik «Liwerpul» topary 2-nji ýarymda yzly-yzyna 2 gol geçirip, ýeňşini baýram etdi (2–1). Gollary 68-nji minutda Kurtis Jons, 71-nji minutda Kodi Gakpo derwezä girizdi.