Diýaryň waspy

Günüň çogy tutuş Diýary çoýýar,Keşt edip görenler haýrana galýar,Diýarymda ajap toýlar toýlanýar,Nurlanýar «Diýarda» Diýaryň waspy. Gujagynda belent, belent dagy bar, Şol daglarda pissäň, hozuň bagy bar, Parahat, asuda Günüň çogy bar, Joş urýar «Diýarda» Diýaryň waspy.

Döwrebap bank hyzmatlary

Berkarar döwletiň täze eýýamynyň Galkynyşy döwründe ilata hödürlenilýän bank hyzmatlarynyň hili has-da ýokarlandyrylýar, elýeterliligi üpjün edilýär. Bank ulgamynyň kanunçylyk-hukuk binýady yzygiderli kämilleşdirilýär. Hormatly Prezidentimiziň parasatly ýolbaşçylygynda «Türkmenistanyň ykdysady, maliýe we bank ulgamlaryny ösdürmegiň 2019 — 2025-nji ýyllar üçin Döwlet maksatnamasyna» hem-de «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda, milli bank ulgamyna sanly tehnologiýalaryň işjeň ornaşdyrylmagyna aýratyn ähmiýet berilýär. Sanly tehnologiýalaryň giňden peýdalanylmagy ýurdumyzyň karz edaralarynyň bäsdeşlige ukyplylygyny ýokarlandyrmaga we müşderilere bökdençsiz bank hyzmatlaryny hödürlemäge mümkinçilik berýär. Mälim bolşy ýaly, ýurdumyzyň karz edaralary tarapyndan ýurduň pul aýlanyşygyny kämilleşdirmek we nagt däl hasaplaşyklaryň gerimini has-da giňeltmek maksady bilen täzeçil çözgütler durmuşa ornaşdyrylýar. Olaryň arasynda milli kartly töleg ulgamy boýunça elektron tölegleri geçirmekligi ýola goýmak aýratyn orny eýeleýär. Bu bolsa öz gezeginde ýurduň pul-karz ulgamyny kämilleşdirmäge, nagt däl hasaplaşygy ösdürmäge, milli ykdysadyýetimizde pul serişdeleriniň dolanyşygynyň

Sport ulgamynda guwandyryjy üstünlikler

Berkarar döwletiň täze eýýamynyň Galkynyşy döwründe Diýarymyzda bedenterbiýäniň we köpçülikleýin sportuň aýratyn üns merkezinde saklanylmagy bu ulgamyň ilatyň sagdyn durmuşda ýaşamagyny üpjün edýär. Şeýle-de, bu Watanymyzyň geljegi bolan ýaşlary hemmetaraplaýyn kämil şahsyýet hökmünde terbiýeläp ýetişdirmegiň, zyýanly endikleriň öňüni almagyň we olara garşy göreşmegiň ygtybarly usuly hökmünde öňe sürülmegi bilen berk baglanyşyklydyr. Şunuň bilen baglylykda, hormatly Prezidentimiziň taýsyz tagallalary netijesinde, jemgyýetiň we döwletiň iň ýokary gymmatlygy bolan adam we onuň saglygy barada döwlet derejesinde netijeli işler alnyp barylýar.

«Sa­pa­ly ja­ýyň» hy­ry­dar­ly ha­ryt­la­ry

«Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» kabul edilmegi bilen, hususy pudagyň mundan beýläk-de döwre laýyk ösdürilmegi üçin giň ýol açyldy. Hormatly Prezidentimiz: «Diýarymyzyň eksport kuwwatyny artdyrmakda, täze önümçilikleri ýola goýmakda, bazar bolçulygyny döretmekde, iş üpjünçiliginde hususy pudaga möhüm orun degişlidir» diýip jaýdar belleýär. «Sapaly jaý» hususy kärhanasynyň alyp barýan işleri dogrusynda kärhananyň önümçilik sehiniň müdiri Aziz Gabibow bilen guran söhbetdeşligimizi okyjylarymyza ýetirmegi müwessa bildik. — Aziz, söhbedimiziň başyny «Sapaly jaý» hususy kärhanasynyň telekeçilik işine girişmegi baradaky gürrüňlerden hem-de bu ugra ädilen ilkinji ädimlerden başlaýalyň!

Py­ra­gy­nyň ebe­di­leş­di­ri­len keş­bi

Kämillige gol beren

Sungata söýgi maşgalada altyň birine berlipdi. Üçüni dolduran Yklymyň çaga nazarynda saz gurallaryna bolan höwes uçganagyny gören Ýazguly aga pursat tapandygy ogluny öz ýerine geçirerdi. Şonda oglanjyk agaç bölejiginden birenaýy edilip ýasalan taýajyklaryny tarkyldadyp, özboluşlyja çykýan sese kämahal öz ýanyndan monça bolup ýylgyrardy. Içki duýgulary daşky keşbinde oýnaýan ýaly, ýüzi ýagtylyp gidýärdi... Ýazguly aga oglunyň arzuwyny ýerde goýmady. Ol Yklyma kakylyp çalynýan saz gurallarynyň inçe syrlaryny ürç edip öwretdi. Yklym hem gerek ýerinde kakasynyň ornunda durup, çalasyn hereketleri bilen diňleýjilerini gulaga öwrerdi. Atadan ogla miras bolan hünär sungatyň täze uçgunyny kemala getirdi. Yklym her gezek tomaşaçylaryň öňünde orkestrde saz çalanda, onuň ähli ýürek tolgunmasy ellerinde jemlenýän ýalydy. Ýazguly aga hemişe Yklymyň ýanynda oturardy. Ol oglunyň el hereketlerinden başlap, notalaryň alnyş usullarynyň ählisine düzediş bererdi. Şonuň üçin-de Yklymyň her saparky konserti şowly geçerdi. Ol kakylyp çalynýan saz gurallarynyň ählisinde diýen ýaly özüni synap görerdi. Yklym beýleki saz gurallarynda şirin sazlary çalmagy öwrense-de, ksilofony eline alanynda, onuň ýüregi gobsunyp, dünýäsi ýagtylyp gidýärdi.

Be­ýik şa­hy­ra tag­zym

Türkmenistanyň halk artisti Baba Annanowyň Magtymguly Pyragy hakynda döreden filmi barada söhbet Türkmen halky Baba Annanowy meşhur artist hökmünde tanaýar. Onuň «Aýgytly ädim», «Ilkinji synag», «Jemalyň daragty», «Ýaşlygymyň dessany», «Zöhre-Tahyr», «Bagtyndan jyda düşen Pyragy» ýaly çeper filmlerinde döreden ajaýyp keşpleri tomaşaçylaryň kalbynda müdimilik ýatda galdy. Bu ussadyň kinorežissýor hökmünde döreden «Serdar», «Kärizgenler», «Agyr ýük», «Zöhre-Tahyr» filmleri onuň ussat režissýordygyny hem aýdyň subut etdi. Baba Annanow ýazyjy, dramaturg hökmünde-de tanalýan adam. Onuň döreden powestleri we hekaýalary aýratyn kitap bolup birnäçe gezek çap edildi. Ussadyň «Ak at» atly meşhur eseri bolsa ençeme gezek türkmen teatrlarynyň sahnalarynda goýuldy.Türkmen halky Baba Annanowy meşhur artist hökmünde tanaýar. Onuň «Aýgytly ädim», «Ilkinji synag», «Jemalyň daragty», «Ýaşlygymyň dessany», «Zöhre-Tahyr», «Bagtyndan jyda düşen Pyragy» ýaly çeper filmlerinde döreden ajaýyp keşpleri tomaşaçylaryň kalbynda müdimilik ýatda galdy. Bu ussadyň kinorežissýor hökmünde döreden «Serdar», «Kärizgenler», «Agyr ýük», «Zöhre-Tahyr» filmleri onuň ussat režissýordygyny hem aýdyň subut etdi. Baba Annanow ýazyjy, dramaturg hökmünde-de tanalý

Asyrlaryň ýaňy

Bilşimiz ýaly, geçen ýylyň 8-nji aprelinde hormatly Prezidentimiziň gol çeken Karary bilen tassyklanan «Milli taryhy-medeni mirasyň obýektlerini aýap saklamagyň, goramagyň, öwrenmegiň hem-de olara syýahatçylary çekmegiň 2022 — 2028-nji ýyllar üçin Döwlet maksatnamasynyň» kabul edilmegi türkmen halkynyň şöhratly taryhyny öwrenmegiň we onuň baý milli medeni mirasyny aýap saklamagyň, geljek nesillere ýetirmegiň hem-de olary syýahatçylyk ulgamyna girizmegiň täze tapgyryna badalga berdi. Berkarar döwletiň täze eýýamynyň Galkynyşy döwründe türkmen halkynyň gadymy taryhyny, maddy we ruhy medeniýetini giňişleýin öwrenmeklige uly mümkinçilikler döredilýär. Köpasyrlyk taryha eýe bolan türkmen halky öz çylşyrymly we täsin taryhy, arheologik ýadygärlikleri, baý medeni mirasy, milli özboluşlylygy bilen tapawutlanýar. Güneşli Diýarymyzda türkmen halkynyň gadymy döwürlerine degişli ýadygärlikleri diýseň kän bolup, olaryň her biri ynsany uzak geçmişiň syrly dünýäsine sary alyp gidýär. Bu keremli ýerlere zyýarat edýärkäň, kalbyňda täsin duýgular oýanyp, hamana asyrlaryň owazasy gulagyňa eşidilýän ýaly bolýar.

Türkmen işewürleriniň kuwwatly önümçiligi

Berkarar döwletiň täze eýýamynyň Galkynyşy döwründe türkmen işewürleri täze zähmet üstünliklerini gazanýarlar. Çünki milli ykdysadyýetiň hususy pudagyny ösdürmek, işewürleriň her bir başlangyçlaryny goldamak hem-de döwrebap işewürlik düzümini kemala getirmek boýunça uly işler durmuşa geçirilýär. Häzirki wagtda hususy ulgam ýurdumyzda azyk we haryt bolçulygyny döretmäge mynasyp goşant goşýar. Hormatly Prezidentimiz ýurdumyzda bazar ulgamynyň döredilmeginiň möhüm bölegi bolan hususy işewürligiň ösdürilmegine uly ýardam berýär. Olaryň innowasion ykdysadyýeti kemala getirmäge gatnaşyklaryny goldaýar. Türkmen işewürlerine goldaw berilmegi we ynam bildirilmegi netijesinde, ýurdumyzyň bazarlarynda harytlaryň bolçulygyny döredýärler. Milli ykdysadyýetimiziň has-da kuwwatlanmagyna öz mynasyp goşantlaryny goşýarlar. Munuň özi halkymyzyň ýaşaýyş-durmuş şertleriniň günsaýyn gowulanmagyna oňyn täsir edýär.

Awaza – ýur­duň göw­her ga­şy

Türkmenistan — ajaýyp ýurt. Dag ýerinde dagy, deňiz ýerinde deňzi, joşgunly derýalary, mahmala meňzeýän sähralary bolan bu ajaýyp tebigatly ülkäniň at-owazasy mundan ýüzlerçe asyr ozallaram Ýer ýüzüniň çar künjegine ýaýran. Dünýäde adygan ajaýyp Watanymyzda halkymyzyň ýaşaýyş-durmuş derejesini ýokarlandyrmak, sagdyn durmuşy gazanmak hormatly Prezidentimiziň ynsanperwerlige beslenýän döwlet syýasatynyň esasy ugrudyr. Halkyň saglygy, uzak ömür sürmegi üçin medeniýetli dynç alşy, tebigatyň ynsana eçilen şypalaryndan peýdalanmak hakynda gürrüň açylanda bolsa, göz öňümize gelýän ilkinji merkez «Awaza» milli syýahatçylyk zolagydyr. Berkarar döwletiň täze eýýamynyň Galkynyşy döwründe gün-günden özgerýän Diýarymyzyň ajaýyp künjekleri, şol sanda Awaza häzirki wagtda diňe bir ildeşlerimiziň däl, dünýä jahankeşdeleriniň hem gelim-gidimli ýerine öwrüldi. Gojaman Hazaryň müňläp menzillere uzap gidýän balykgulakly kenary ap-ak mozaika eserini ýada salyp, onuň üstünde birsellem gezelenç etmek ýakymly duýgulary oýarýar, saglygy berkidýär. Hut şeýle gözelligi bir pursat synlap, Awazanyň sergin howasyndan dem alyp, şypaly mekana dynç almaga gelmek her kişiniň arzuwy.

Dö­re­di­ji­lik — yl­ham joş­ma­sy

Iki ägirt bir bü­rün­je do­la­nan...

Dünýäniň dört künjüne ýaýran türkmeniň Çuwal bagşysynyň owazyny diňläp baş ýaýkamadygy barmyka? Megerem, ýok bolsa gerek?! Aýdym-saza sarpa goýanyň ömri zyýada bolar. Halk pähiminden.

Bag­ta bar­ýan ýol (He­ka­ýa)

Aksona Saparmedowanyň çeken suraty. Aşgabadyň merkezindäki seýilbagyň bir çetinde ýaňy gunçalan gülleriň suratyny çekip duran görmegeý gyz biraz yza çekilip, tagtanyň ýüzündäki surata seretdi. Eden işine kän bir göwni ýetmedik bolara çemeli, gaşyny çytyp, elindäki çotgajygy bilen çeken suratyna düzediş bermäge durdy. Soň ýene-de bir ädim yza süýşüp, suraty synlady.

Türkiýe Respublikasynyň gaýtadan saýlanylan Prezidentine gutlag haty iberildi

Türkmenistanyň Prezidenti Serdar Berdimuhamedow hem-de türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow maşgalasy bilen Türkiýe Respublikasynyň Prezidenti wezipesine gaýtadan saýlanylmagy mynasybetli Rejep Taýyp Ärdogana gutlag hatyny iberdiler. Gutlag hatynda türkmen halkynyň adyndan türk halkynyň durmuşyndaky iň taryhy gün, demokratiýa eradasy esasynda gazanan syýasy üstünligi we ýeňşi mynasybetli türk Liderine tüýs ýürekden çykýan gutlaglar beýan edilýär. Şeýle-de Türkiýe Respublikasynyň gaýtadan saýlanylan Prezidentine döwlet işinde geljekde hem uly üstünlikleri gazanmagy arzuw edildi.

«Ak şäherim Aşgabat» atly XXII köpugurly halkara sergisi

Berkarar döwletiň täze eýýamyň Galkynyşy döwründe, eziz Diýarymyzyň baş şäherinde şähergurluşyk – binagärlik maksatnamasynyň durmuşa geçirilmegine örän jogapkärçilikli we hemmetaraplaýyn esasda çemeleşilýär. Aziýanyň merjeni hasaplanýan bu şäheriň şähergurluşyk işlerine öz goşandyny goşýan telekeçilerimiziň paýy uly.

Aýdyň geljegiň täze ykrarnamasy

Türkmenistanyň Konstitusiýasynyň we Döwlet baýdagynyň gününiň öňüsyrasynda Birleşen Milletler Guramasynyň Nýu-Ýork şäherinde ýerleşýän ştab-kwartirasyndan hoş habar gelip gowuşdy. Arkadag Serdarly bagtyýar ýaşlar ýylynyň 16-njy maýynda BMG-niň Baş Assambleýasynyň 77-nji sessiýasynyň 70-nji plenar mejlisiniň dowamynda Türkmenistanyň başlangyjy bilen, Gurama agza döwletleriň biragyz bolup goldamagynda Kararnama kabul edildi. Oňa laýyklykda, 26-njy noýabr «Bütindünýä durnukly ulag güni» diýlip yglan edildi. Bu halkara resminama ýurdumyzyň durnukly ulag ulgamyny kemala getirmekde durmuşa geçirýän umumadamzat ähmiýetli işleriniň rowaçlanýandygynyň nyşanydyr.

Hytaý — Gündogaryň täsin ýurdy

Baý medeni mirasy, şöhratly taryhy, milli däp-dessurlary bilen göreni haýrana goýýan Hytaý döwleti hakynda söz açylanda, budda ybadathanalary, hytaýyň nahar taýajyklary, täsinden dürli reňkli giňden biçilen özboluşly egin-eşikleri ýadyňa düşýär. Asyrlara uzap gidýän taryha ser salsak, Türkmenistanyň çäginden gadymy döwürlerde, şeýle hem orta asyrlarda, Amulyň, Merwiň, Sarahsyň, Abiwerdiň, Nusaýyň, Dehistanyň üsti bilen, şol bir wagtyň özünde Hytaýdan Ýakyn Gündogara çenli Köneürgenjiň üsti bilen Orta Gündogar ýurtlaryndan Russiýa çenli, Zemmden (häzirki Kerki) Hindistana çenli möhüm söwda ýollary geçipdir. Gadymy Hytaýyň paýtagty Sian şäherinden, Türkmenistanyň birnäçe şäherleriniň üstünden geçen Beýik ýüpek ýoly dünýä medeniýetlerini baglanyşdyran söwda ýoludyr.

Türkmen-gazak gatnaşyklarynyň 12-nji mejlisi geçirildi

15-nji maýda Astana şäherinde türkmen wekiliýeti Türkmenistanyň Ministrler Kabinetiniň Başlygynyň Orunbasary hem-de Gazagystan Respublikasynyň Premýer-ministriniň orunbasary Roman Sklýaryň ýolbaşçylygynda ykdysady, ylmy-tehniki we medeni hyzmatdaşlyk boýunça Hökümetara toparynyň 12-nji mejlisi geçirildi. Roman Sklýar öz çykyşynda Türkmenistan bilen Gazagystan Respublikasynyň arasynda häzirki wagtda ykdysady ulgam bilen birlikde, ähli ugurlary boýunça hyzmatdaşlygyň çalt depginde ösýändigini belledi. Muňa bolsa ýokary derejedäki duşuşyklar, şeýle-hem adaty häsiýete eýe bolýan özara saparlar şaýatlyk edýär.

«Merkezi aziýa — Hytaý»: hyzmatdaşlygyň ýokary derejesi

Türkmenistan döwletimiz Hytaý Halk Respublikasy bilen ikitaraply hem-de köptaraply esasda alyp barýan gatnaşyklaryny örän işjeň kämilleşdirýär. 2023-nji ýylyň 18-19-njy maýynda hormatly Prezidentimiziň HHR-iň Başlygy Si Szinpiniň çakylygy boýunça «Merkezi Aziýa — Hytaý» sammitine gatnaşmagy sözümiziň aýdyň subutnamasydyr. «Merkezi Aziýa — Hytaý» sammiti köptaraplaýyn söwda-ykdysady hyzmatdaşlygy täze derejä çykarmakda möhüm orun eýeleýär. Ýurtlaryň arasynda diplomatik gatnaşyklaryň ýola goýlanyndan bäri geçen 30 ýyldan gowrak wagtyň dowamynda bu ugurdaky özara hereketlerde anyk netijeler gazanyldy. Maglumatlara salgylansak, diňe 2022-nji ýylda Hytaý bilen Merkezi Aziýa döwletleriniň arasyndaky haryt dolanyşygynyň möçberi 70 milliard amerikan dollaryna deň boldy. 2023-nji ýylyň mart aýyndaky ýagdaýa görä, Hytaýyň bu sebitiň ýurtlaryna goýan göni maýa goýumlarynyň möçberi 15 milliard amerikan dollaryndan geçdi.

Toýly günüň şatlygy

Düýn, 18-nji maýda Türkmenistanyň Konstitusiýasynyň we Döwlet baýdagynyň güni mynasybetli ähli amatlyklary özünde jemleýän «Parahat — 7» ýaşaýyş toplumynyň açylyş dabarasy boldy. Häzirki zaman döwrebap 9 gatly, 54 öýli ýaşaýyş jaýynyň açylyş dabarasyna  Türkmenistanyň Halk Maslahatynyň Başlygy Gurbanguly Berdimuhamedow hem gatnaşdy. Şeýle-de bu çärä Mejlisiň ýolbaşçylary we deputatlary, Halk Maslahatynyň agzalary, jemgyýetçilik guramalarynyň wekilleri, Aşgabat şäheriniň häkimliginiň ýolbaşçylary, köpçülikleýin habar beriş serişdeleriniň wekilleri, ýaşulular hem-de ýaşlar gatnaşdylar. Medeniýet we sungat ussatlarynyň aýdym-sazly çykyşlary bilen baýramçylyk ruhuna beslenen açylyş dabarasy bu ýere ýygnananlarda uly buýsanç duýgularyny döretdi. Gahryman Arkadagymyz halkymyza ýüzlenip, Garaşsyz, baky Bitarap ýurdumyzda toýlaryň toýa ulaşýandygyny, şu gün hem ýurdumyzda Türkmenistanyň Konstitusiýasynyň we Döwlet baýdagynyň gününiň giňden bellenip geçilýändigini, şeýle toýly günlerde Diýarymyzyň dürli künjeginde ýaşaýyş jaýlarynyň, önümçilik hem-de beýleki durmuş maksatly binalaryň gurlup ulanmaga berilýändigini belledi. Munuň özi eşretli durmuşyň hözirine buýsanyp, bagtyýar ýaşaýan ilatymyzyň ýaşaýyş-durmuş şertleriniň el