Arkadag şäheri – bagtyň şäheri

Arkadagyň pähiminden döredi,Arkadag şäheri — bagtyň şäheri.Şäher boldy şäherleriň seresi,Arkadag şäheri — bagtyň şäheri,Oguz han, Gorkutly halkyň şäheri. Gündiz nurly, gije ýalkym saçyp dur,Gül Watana täze şugla seçip dur,Myhmanlara giňden gujak açyp dur,Arkadag şäheri — bagtyň şäheri, Göroglusy bolan halkyň şäheri.

Ertekiler - edep mekdebi

Aşgabat - iri sport merkezi

Berkarar döwletiň täze eýýamynyň Galkynyşy döwründe ähli ugurlarda, şol sanda sport ulgamynda beýik işler üstünlikli dowam etdirilýär.Hormatly Prezidentimiz bu barada: «Halkara Olimpiýa komitetiniň we Aziýanyň Olimpiýa Geňeşiniň agzasy bolan ýurdumyz Olimpiýa hereketiniň ösdürilmegine hem mynasyp goşant goşýar. Gahryman Arkadagymyzyň beýik başlangyçlary bilen «Amul — Hazar 2018» halkara awtorallisi, Beýik Ýüpek ýolunyň ugry boýunça ylgaw ýaryşlary hem-de köpçülikleýin welosipedli ýörişler, Agyr atletika boýunça dünýä çempionaty ýokary derejede geçirildi. Ýapyk binalarda we söweş sungaty boýunça V Aziýa oýunlary bolsa sporty, parahatçylyk söýüjilik, dostluk ýörelgelerimizi Ýer ýüzünde dabaralandyrdy» diýip nygtaýar. Türkmen sportunyň barha rowaçlyklara beslenip, dowamat-dowam bolýandygyna döwlet Baştutanymyzyň ýaňy-ýakynda gol çeken resminamasynyň mysalynda hem ýene bir ýola göz ýetirmek bolýar. Şu günler paýtagtymyz Aşgabat şu ýylyň noýabrynda geçiriljek Kuraş boýunça dünýä çempionatyny we 2025-nji ýylda guraljak Sambo boýunça dünýä çempionatyny geçirmäge giň gerimde taýýarlyk görýär. Hormatly Prezidentimiziň 12-nji iýulda gol çeken Kararyna laýyklykda, Aşgabatda 2023-nji ýylyň noýabr aýynda Kuraş boýunça dünýä çempionatyny geçi

Ak şäher — tämiz şäher

Tebigy gurşawyň abadançylygy adamzat ýaşaýşynyň üzül-kesil ýokarlanmagynyň baş şertidir. Daşky gurşawyň arassalygy howanyň tämizligi, suwuň durulygy, ekin-dikin işleriň talabalaýyk ýola goýluşy bilen gönüden-göni baglanyşyklydyr. Häzirki wagtda ýurdumyz halkymyzyň arassa daşky gurşawda ýaşamagyny üpjün etmek, dünýäde bitewi ekoulgamy döretmek boýunça BMG-niň Ösüş maksatnamasy, BMG-niň Daşky gurşaw boýunça maksatnamasy, giň möçberli Ekologiýa gaznasy we beýleki abraýly halkara düzümler bilen bilelikde milli hem-de sebit derejesindäki ekologiýa maksatnamalarynyň onlarçasyny durmuşa geçirýär. Ýüzümiziň tuwagyna deňelýän paýtagtymyz ýylyň islendik paslynda tämiz hem owadan. Aşgabat şäherimiz dünýäde ösen binagärlik keşbi, täzelikleri ornaşdyryjy, döwrebap başlangyçlar bilen çykyş ediji şäher hökmünde meşhurlyga eýedir. Ýurdumyzyň ekologiýa taýdan arassaçylygyny saklamakda köpçülikleýin bag ekmek, ýaşyl zolaklar Aşgabadyň jana şypaly arassa howasyny emele getirmekde wajyp meseleleriň biridir. Owadan baglarymyzyň oturdylmagy ilatly ýerleri abadanlaşdyrmagyň esasy wezipesidir.

ХХ Ählihytaý gurultaýynyň jemleriniň tanyşdyrylyşy

Şu gün paýtagtymyzyň Jemgyýetçilik guramalarynyň merkezinde Hytaýyň Kommunistik partiýasynyň ХХ Ählihytaý gurultaýynyň jemleriniň tanyşdyrylyşy geçirildi. Onda ilki bilen çykyş eden jenap Çen Gan Türkmenistanyň Demokratik partiýasynyň hem-de Hytaýyň Kommunistik partiýasynyň agzalarynyň iki halkyň dost-doganlygyny berkitmekdäki alyp baran işleri barada giňişleýin durup geçdi we Hytaýyň Sinhaý welaýatynyň tutýan meýdany, tebigaty, medeniýeti hem-de ol ýerdäki ösüşler barada giňişleýin gürrüň berdi. Şeýle-de çykyşyň dowamynda Hytaýyň Kommunistik partiýasynyň Orta Aziýa döwletler bilen, şol sanda Türkmenistan bilen gelejekde dost-doganlygy has-da berkitmek babatda alnyp baryljak işler barada durlup geçildi. Türkmenistanyň Demokratik partiýasynyň başlygy Ata Serdarow jenap Çen Gana we Hytaý tarapyndan gelen beýleki wekillere bu tanyşdyrylyş dabarasyna gatnaşan jemgyýetçilik guramalarynyň wekilleriniň adyndan hem-de öz adyndan hoşallygyny bildirdi. Jenap Çen Gan hem öz gezeginde partiýanyň adyndan Türkmenistan bilen Hytaýyň arasyndaky gatnaşyklary berkitmekde alyp barýan işleri üçin hormatly Prezidentimize, Gahryman Arkadagymyza tüýs ýürekden sagbolsun aýtdy.

«Diýarda» Diýaryň waspy» atly döredijilik bäsleşigine

Güneş Ýazlaryna zynat ýardyr, howasy ynsap dek tämiz,Sazlarynda hoşluk bardyr, sungaty asman deý kämil,Owazyna maýyl dünýä, muşdak ynsan, haýran kän il.Şabaz atyn kişňeýip, öňe sary çapyp barýar,Alnymyzdan Gün dek dogmuş ömre many, nurdur Diýar.

«Diýarda» Diýaryň waspy» atly döredijilik bäsleşigine

Bahara çalymdaş Bathyz Bathyzyň her pasyl neneňsi gözelliklere beslenýändigi dessine göz öňüňizde janlanýandyr. Bu gözel mekanyň arzuwlar ýaly owadan dünýäsi gözellige teşne kalbymyzyň tesellisidir. Bathyz belentligi diýlip ylmy-geografik adalga bilen atlandyrylýan bu mekan hakynda biz nämeleri bilýäris?! Bu dag-depeli relýefi—ýer gurluşy bolan künjek Parapamyz daglarynyň demirgazyk dag etegidir. Onuň käbir ýerleri deňiz derejesinden 1300 metr belentlikde ýerleşýär. Belentlik güýçli  kontinental çökündileriň gatlaklaryny özünde jemleýär. Bu gatlaklar digir-digir bolup duran toýunsow, gumdaşly, çägesöw topraklardyr. Bathyz belentliginiň günbatar tarapynyň relýefi—ýer gurluşy kuestli, ýagny ýapgytly ortaça dag, gündogar tarapy depeli dag hökmünde kesgitlenendir. Depeleriň gerişlerinde, erezlerinde, dereleriň düýbünde we çöketlik ýerlerde bolsa güberçek, keş çekilip, ekin ekip bolýan topraklar hem-de gumaksy topraklar duş gelýär. Ine, Bathyz belentligi hakyndaky käbir ylmy-geografiki maglumatlar. Belentligiň tutuş durky bolsa halk dessanlarymyzdaky waspy ýetirilýän Erem bagynyň keşbini ýadyňa salýar.

«Diýarda» Diýaryň waspy» atly döredijilik bäsleşigine

Aşgabat Ajaýyp binalar dagyň diregi,Bu Watanda halkyň baky geregi,Umman kalby, nurana ak ýüregi,Has giňelýär,gözelleşýär Aşgabat.

«Diýarda» Diýaryň waspy» atly döredijilik bäsleşigine

Ilkinji «Akylly şäher» — «Arkadag» Görküň gözelligiň beýik nusgasy,Ilkinji «Akylly şäher» - Arkadag.Hiç soňlanmaz köňülleriň kyssasy,Ilkinji «Akylly şäher» — «Arkadag».

«Diýarda» Diýaryň waspy» atly döredijilik bäsleşigine

Watan waspy Watanymy eý görýärin ýürekden,Onda çagalygmyň yzlary bardyr.Maňa şondan özge baýlyk gerekmez,Läle-reýhan deýin ýazlary bardyr.

«Diýarda» Diýaryň waspy» atly döredijilik bäsleşigine

Arkadag şäheri Pyragynyň arzuw eýlän budur türkmen binasy,Rysgal, döwlet, agzybirlik, beýikligiň güwäsi,Nesilleriň dillerinde baky bagtyň senasy,Ata-babam taryhyna dowam Arkadag şäheri.

Täze kitap — ömürleriň bezegi

Türkmen halkynyň Milli Lideri Gahryman Arkadagymyzyň halkymyza sowgat beren «Ömrümiň manysynyň dowamaty» atly täze kitabynda getirýän:«Ýagşy häsiýetler ynsanyň özüni, ýagşy amallar bolsa onuň ömrüni bezeýär» diýen sözleri ýagşylygyň, ýagşy gylygyň ömrüň bezegidigi hakyndaky hakykaty ýene bir gez äşgär edýär. Söz manysyny tirmegi başarýan, söze hormat goýýan türkmen halky Gahryman Arkadagymyzyň, Arkadagly Serdarymyzyň halkyň bähbidini araýan ähli amallaryny, aýratynam, mähriban Arkadagymyzyň peşgeş beren, ýiti paýhasa ýugrulan kitaplaryny diňe bir adamyň däl, tutuş halkyň ömrüniň bezegi hasap edýär. Çünki kitap adam ömrüniň manysy. Kitaphon türkmen halkyna Türkmenistanyň Halk Maslahatynyň Diwanynyň binasynda 28-nji iýunda geçirilen Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýanyndaky Ýaşulular geňeşiniň üçünji mejlisinde hoş habar gelip gowuşdy. Mejlisiň dowamynda Gahryman Arkadagymyzyň «Ömrümiň manysynyň dowamaty» atly kitabyny ýazyp tamamlandygyny we onuň çapdan çykandygyny aýtmagy il-ulsumyza ýene-de bir naýbaşy sowgatlaryň biri boldy. Hormatly Arkadagymyzyň «Ömrümiň manysy» atly kitabynyň dowamy bolan bu eserinde türkmen halkynyň ynsanperwer ýörelgeleri öz beýanyny tapýar

Yssy howadan goranalyň!

Adaty bolmadyk yssy howa adamyň beden saglygyna zyýan ýetirýär we bar bolan keselleriň täze döremegine ýa-da güýçlenmegine sebäp bolup biler. Şonuň üçin hökmany ýagdaýda yssy howadan goranmak zerurdyr. Howa gaty gyzanda we Gün şöhlesi ýitileşende, bedeniň gyzgynlygy deriň bölünip çykmasy we bugarmasy bilen kadalaşdyrylýar. Deriň bölünip çykmagy bilen beden özüni öte gyzmakdan goraýar. Mundan başga-da, derlemek bedenden toksinleriň çykarylmagyna hem ýardam edýär. Yssy howadan goranmak üçin günde sarp edilýän suwuň mukdaryny köpeltmeli hem-de limonly suw, gök çaý, miwe şirelerini köp içmeli.

Arkadag şäherine bagyşlanan halkara media-forum

Şu gün 30-njy iýunda Arkadag şäheriniň Döwletmämmet Azady adyndaky Arkadag şäher kitaphanasynda Arkadag şäherine bagyşlanan halkara media-forum geçirildi. Geçirilen media-foruma Türkmenistanyň Daşary işler ministrligi, içerki we daşary ýurt habar beriş serişdeleriniň wekilleri, halkara guramalary we beýleki dabaraly myhmanlar gatnaşdylar.

Bu gün Arkadag şäherinde uly toý

Bu gün taryhyň altyn sahypalaryna ýazylan şanly seneleriň biri boldy. Halkymyzyň umyt-arzuwlarynyň hasyl bolandygyny alamatlandyrýan, köpden bäri sabyrsyzlyk bilen garaşylan pursat ýetip geldi, Köpetdagyň eteginde Gün bolup dogan Arkadag şäheri dabaraly ýagdaýda açyldy. Ilimize toýdur baýramlar hemişe goşa-goşadan gelýär. Milli baýramlarymyzyň biri bolan Gurban baýramynyň bellenilýän günlerinde hormatly Prezidentimiziň gatnaşmagynda dabaraly açylan Arkadag şäheriniň owazasy gysga wagtyň içinde dünýä doldy.

Gurban baýramyňyz gutly bolsun!

Gurban baýramy döwürleriň we nesilleriň dowamlylygyny, şöhratyny, ata-babalarymyzyň wesýetlerine ygrarlylygy alamatlandyrýar. Hormatly Prezidentimiz Serdar Berdimuhamedow: «Ynsan kalbynyň tämizligini dabaralandyrýan Gurban baýramy täze taryhy döwürde jemgyýetimizi döredijilikli maksatlara, beýik işlere ruhlandyrýar, agzybirligimizi we jebisligimizi has-da pugtalandyrýar» diýip nygtaýar. Döwlet Baştutanymyzyň Permanyna laýyklykda, üç günläp dowam edýän bu gadymy baýramçylyk ýurdumyzyň çar künjegini uly dabaralara besleýär.Gurban baýramynyň ilkinji gününiň ir säherinde metjitlerde baýram namazy okalýar.

Söýgüli hem sarpaly sungat

Şu gün paýtagtymyzda ýerleşýän Magtymguly adyndaky milli sazly drama teatrynda, Türki medeniýetiniň halkara guramasynyň (TÜRKSOÝ) döredilmeginiň 30 ýyllygy mynasybetli Türki döwletleriň Medeniýet hepdeligi açyldy. Oňa belli sungat ussatlary, ýurdumyzyň medeniýet toplumynda zähmet çekýän raýatlar, talyp ýaşlar hem-de köpçülikleýin habar beriş serişdeleriniň wekilleri gatnaşdylar. 24 – 29-njy iýun aralygynda geçiriljek, medeni-ynsanperwer ulgamdaky halkara hyzmatdaşlygy berkitmäge ýardam berjek Türki döwletleriň Medeniýet hepdeligine turuwbaşdan gyzykly häsiýet, şowhundyr şüweleň mahsus boldy. Çünki türki döwletleriň milli medeniýetiniň ajaýyp parçalary birleşip, açylyş dabarasyna gatnaşyjylarda ýatdan çykmajak täsirleri galdyrdy.

Suratkeşleriň «Döwlet guşy» atly döredijilik bäsleşiginiň jemi

Şu gün Türkmenistanyň Şekillendiriş sungaty muzeýinde Türkmenistanyň Suratkeşler birleşiginiň agzalarynyň ýurdumyzyň belli suratkeşleriniň, heýkeltaraşlarynyň, külalçylarynyň häzirkizaman eserleriniň hem-de «Döwlet guşy» atly döredijilik bäsleşiginiň jemini jemlemek dabarasy geçirildi. Şu ýylyň aprel-maý aýlarynda ýokary derejede geçirilen «Döwlet guşy» simpoziumyna 30-dan gowrak suratkeşler: şol sanda Şöhrat Berdiýew, Ogulsuraý Akmyradowa, Batyr Hajyýew, Rustam Abdullaýew, Gahryman Goçmyradow, Begenç Berkeliýew, Myratgeldi Gurbangeldiýew, Wepa Gurdow, Ahmet Hallyýew, Myrat Baltaýew, Aýnagözel Nuryýewa, Annageldi Meretgeldiýew dagylar gatnaşyp, ýurdumyzyň Mary we Balkan welaýatlarynda döredijilik saparynda boldular we degişli ýerleriň taryhy ýadygärliklerini, gözel künjeklerini wasp edýän köpsanly eserleri döretdiler.

Medeniýet hepdeliginiň açylyş dabarasy

Şu gün Türkmenistanyň Döwlet medeniýet merkeziniň Mukamlar köşgünde Medeniýet hepdeliginiň açylyş dabarasy geçirildi. Dabara ýurdumyzyň ähli welaýatlaryndan folklor tans toparlary, medeniýet we sungat ussatlary, habar beriş serişdeleriniň wekilleri gatnaşdylar. Türkmenistanyň Döwlet medeniýet merkeziniň Mukamlar köşgüniň sergi zalynda şekillendiriş we amaly-haşam sungatynyň eserleriniň, muzeý gymmatlyklarynyň, kitap we neşir önümleriniň sergisi görkezildi. Baýramçylyk konsertiniň açylyş dabarasynda hormatly Prezidentimiziň Medeniýet hepdeligine gatnaşyjylara iberen Gutlagy okaldy. Soňra dabaranyň dowamynda ýurdumuzyň ähli welaýatlaryndan gelen, şeýle-de paýtagtymyzyň sungat ussatlarynyň baýramçylyk çykyşlaryna tomaşa edildi.

Halkara ýoga güni mynasybetli dabara

Şu gün, paýtagtymyzyň «Bagtyýarlyk» sport toplumynyň Ýoga we adaty lukmançylyk merkezinde «XI Halkara ýoga güni –– 2023» atly baýramçylyk dabarasy geçirildi. 2014-nji ýylda BMG-nyň Baş Assambleýasy tarapyndan 21-nji iýuny Halkara ýoga güni diýip yglan edildi. Saýlanylan sene tötänleýin bolman, şol gün tomus paslynyň iň uzyn güni hasaplanylýar. «Ýoga» bu gadymy söz bolmak bilen, onuň manysy «birikdirmek», «seplemek» diýmekligi aňladýar. Dabaranyň dowamynda 200-den gowrak adamyň gatnaşmagynda tälimçiniň ussat sapaklary esasynda «Bagtyýarlyk» sport toplumynyň açyk meýdançasynda ýoga maşklary ýerine ýetirildi.