Beýik söz ussady, aryf akyldar Döwletmämmet Azady ömrüniň bütin dowamynda il-günüň agzybir, parahat, asuda durmuşda ýaşamagy ugrunda aladalanypdyr.
6000-e golaý setirden, 2314 beýtden, dört bapdan ybarat bolan «Wagzy-azat» eserinde beýik akyldar döwlet gurmagyň zerurlygy, adyl şa, baýlaryň ýoksullara ýardam bermekleri, durmuşda özüňi alyp barmagyň meseleleri, ylym-bilim, alymlaryň jemgyýetdäki orny we häsiýetleri, derwüşler hakynda düýpli meseleleri gozgaýar.
