Bilşimiz ýaly, Garaşsyz, hemişelik Bitarap Türkmenistanyň BMG-niň doly hukukly agzasy bolmagy parahatçylyksöýüjilikden, dünýä döwletleriniň arasynda dostluk köprüsini gurmakdan, goňşy ýurtlar bilen ysnyşykly hyzmatdaşlykdan gözbaş alýar. «Dünýäde BMG tarapyndan ykrar edilen ilkinji Bitarap döwlet — bu biziň ata Watanymyz — eziz Türkmenistandyr!» diýlen buýsançly sözler abadan halkymyzyň diliniň senasyna, ýürek owazyna öwrüldi. Şonuň esasynda bu gün Türkmenistan Birleşen Milletler Guramasynyň iň ýakyn we ynamdar hyzmatdaşy.
Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde, ak şäherimiz Aşgabat häzirki wagtda sebitde ylalaşdyryjy merkez hökmünde dünýä tanalýar. Hemişelik Bitaraplygymyzyň ykrar edilmeginden bäri geçen 29 ýyllyk döwrüň tejribesi munuň şeýledigini doly subut edýär.
