Gökdepe etrabynyň Medeniýet köşgüniň öňündäki Täze ýyl arçasynda baýramçylyk dabarasy geçirildi. Etrap bilim bölüminiň hem-de jemgyýetçilik guramalarynyň bilelikde guramagynda bolan dabara bagtyýar çagalar gatnaşdy.
Bezemen arçanyň töweregini şatlyk-şowhun gurşap aldy. Çagalar el tutuşyp aýdym aýtdylar, labyzly goşgy okadylar, şatlandylar. Ýaş nesliň kalbynyň joşgunynyň beýany bolup dabaralanan çykyşlar giň toý meýdançasyndaky ruhubelentligi belende göterdi. Şeýle şatlykly pursatlar eziz Diýarymyzyň bagtyýar çagalygyň mekanydygy bilen bagly hakykata göz ýetirmäge özboluşly mümkinçilik boldy. Täze ýyl arçasyndaky dabara hemmelerde ýatdan çykmajak täsirleri döretdi.
