Aşgabat wagty bilen düýn irden ABŞ-nyň Nýu-Ýork şäherindäki «Medison Skver Garden» arenasynda «UFC 309» turniri geçirildi. Onuň esasy tutluşygynda agyr agramyň çempiony Jon Jons bu agramyň ozalky çempiony Stipe Mioçiçe garşy oktagona çykdy. Dartgynly geçen söweş 3-nji raundda Jon Jonsuň ýeňşi bilen tamamlandy. Şeýlelikde, Jon Jons özüniň ýeňişleriniň sanyny 28-e ýetirdi. Ol karýerasynyň dowamynda bary-ýogy 1 gezek ýeňlişe sezewar boldy. Stipe Mioçiç bolsa düýn 5-nji gezek ýeňildi. Onuň hasabynda 20 ýeňiş bar. Düýnki ýeňlişden soňra Stipe Mioçiç karýerasyny tamamlaýandygyny mälim etdi.
Şeýle-de turniriň ýene bir esasy söweşi ýeňil agramda Çarlz Oliweýra bilen Maýkl Çendleriň arasynda boldy. Onda Çarlz Oliweýra eminleriň biragyzdan gelen netijesi esasynda garşydaşyny ýeňlişe sezewar etdi.
