«Edmonton Oýlerziň» kapitany Konnor Makdewid Milli hokkeý ligasynda 1000 utuklyk sepgidi zabt etdi. Ol şeýle üstünlige MHL-iň nobatdaky tapgyrynda «Neşwill Predatorz» bilen oýunda öz adyna şaýba ýazdyrmak arkaly ýetmegi başardy. Gollaryň we golly paslarynyň sanyny 1000-e ýetirmek üçin Konnora 659 oýun gerek boldy. Şeýlelikde, ol bu sepgide iň çalt ýeten dördünji oýunçy hökmünde taryha girdi. Bu ugurda ilkinji üçlükde Ueýn Gretski (424 oýun), Mario Lemýe (513 oýun) hem-de Maýk Bossi (656 oýun) ýaly oýunçylaryň atlary bar.
Maglumat üçin, Konnor Makdewid Milli hokkeý ligasynda 341 şaýba geçirdi hem-de 659 gezek golly pas berdi.
