Hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwrüniň her bir güni şanly wakalara, beýik işlere, bagtyýarlyga beslenýär. Mähriban halkymyz mukaddes Garaşsyzlygymyzyň şanly 33 ýyllyk toýuna uly zähmet üstünlikleri bilen barýar. Mukaddes Garaşsyzlyk bilen ilimiz diline, dinine, milli däp-dessurlaryna, şöhraty eýýamlara ýaň salan ata-babalarymyzyň edim-gylymlaryna, görüm-göreldelerine eýe boldy.
Şu günler Arkadagly Gahryman Serdarymyzyň tabşyryklaryna laýyklykda sentýabr aýynda geçiriljek Türkmenistanyň Halk Maslahatynyň nobatdaky mejlisine giň gerimli taýýarlyk işleri alnyp barylýar. Tutuş ýurdumyzy gurşap alan taýýarlyk işleriniň gerimi ýokary wekilçilikli edaranyň jemgyýetçilik durmuşymyzdaky möhüm ornuny açyp görkezýär. Çünki Halk Maslahatynyň her bir mejlisi jemgyýetçilik gurluşynyň hem-de milli demokratiýanyň kämil däpleriniň dünýäniň bu babatda gazananlary bilen sazlaşykly utgaşdyrylyp, döwrebap röwüşde dowam etdirilýändiginiň özboluşly subutnamasyna öwrülýär.
