Sarahs etrap merkezi kitaphanasynda “Magtymguly — umumadamzat şahyry” ady bilen söhbetdeşlik geçirildi. Magtymguly Pyragynyň doglan gününiň 300 ýyllygyna bagyşlanan duşuşyga kitaphananyň okyjylary gatnaşdy.
Söhbetdeşlige gatnaşyjylar Magtymguly Pyragynyň şygyrlar diwanyny, şahyryň ömür-döredijiligini beýan edýän maglumatlary, gyzykly gollanmalary, beýik söz ussadymyz hakda ýazylan eserleri özünde jemleýän sergä uly gyzyklanma bildirdiler. Sergi bilen tanyşlykdan soňra, okalga zalynda geçen söhbetdeşlikde berkarar Watanymyzda Magtymguly Pyraga goýulýan sarpa, beýik akyldaryň edebi mirasyny öwrenmekde edilýän tagallalar, şahyryň çuň pähim-paýhasa ýugrulan goşgularynyň terbiýeçilik ähmiýeti barada täsirliden gyzykly gürrüň edildi.
