Türkmenistanyň adaty karate boýunça milli ýygyndysy Gazagystanyň Almaty şäherinde geçirilen Merkezi Aziýanyň çempionatynda toparlaýyn hasapda üçünji orna eýe boldy. Bu üstünlik türgenlerimiziň 9 medaly bilen gazanyldy.
Sebit ýaryşyna bäş döwletden 300 töweregi türgen gatnaşdy. Şolaryň 12-si Türkmenistana wekilçilik etdi. Türkmen türgenleri ýurdumyza dört altyn, üç kümüş we iki sany bürünç medal bilen dolanyp geldiler. Ýaryşlar adaty karateniň görkezme maşklary (kata) we tutluşyk (kumite) görnüşleri boýunça geçirildi.
