Il-ýurdy üçin ýaşamagy, olaryň gülläp ösüşiniň we bähbitleriniň hatyrasyna zähmet çekmegi bagtyýarlyk hasaplaýan ynsanlar bilen söhbetdeş bolmak, güýjüňe güýç goşmak, maksatlaryňa aýdyňlyk çaýmak bilen birlikde, özüň üçin baýramçylyk döretmekdir. Türkmenistanyň Gahrymany, Birleşen Milletler Guramasynyň Bilim, ylym we medeniýet meseleleri boýunça guramasynyň (ÝUNESKO) işleri barada Türkmenistanyň milli toparynyň jogapkär sekretary, filosofiýa ylymlarynyň kandidaty, Türkmenistanyň Adatdan daşary we doly ygtyýarly ilçisi Çynar RÜSTEMOWA bilen söhbetdeşlik — aýratyn baýramçylyk.
— Çynar Täjiýewna, Türkmenistanyň Konstitusiýasynyň we Türkmenistanyň Döwlet baýdagynyň güni bilen gutlaýarys.
