Ýaponiýanyň Fukuoka şäherinde dowam edýän suw sportlary boýunça 20-nji Dünýä çempionatynda suwa bökmek, sinhronlaýyn ýüzmek hem-de açyk suwda ýüzmek ýaryşlary tamamlandy.
Suwa bökmek boýunça geçirilen 13 ýaryşyň 12-sinde hytaýlylar altyn medala mynasyp boldular. Olar diňe erkekleriň arasynda 10 metr platforma ýaryşynda altyn medal gazanyp bilmediler. Bu ugurda awstraliýaly Kassiel Russo hytaýly türgenlerden – Lian Szýunze hem-de Ýan Haodan öňe saýlanmagy başardy. Erkeklerden Wan Szunýuan, zenanlardan Çžen Iwen, Çzen Ýuýsi 2 altyn medal gazandy. Szunýuan Dünýä çempionatlaryndaky 6-njy, Iwen bilen Ýuýsi 5-nji altyn medallaryny boýunlaryna dakdylar. Erkekleriň arasyndaky meksikaly Osmar Olwera 1 metr hem-de 3 metr tramplin ýaryşlarynda 2-nji orny eýeledi. Umumylykda hytaýly türgenler 4 kümüş, 3 bürünç, jemi 19 medal gazandylar.