Berekediň çeper beýany
5-nji noýabrda şeýle at bilen ýurdumyzda giňden bellenilýän Hasyl toýy mynasybetli Türkmenistanyň Beýik Saparmyrat Türkmenbaşy adyndaky şekillendiriş sungaty muzeýinde baýramçylyk sergisi açyldy. Sergide belli nakgaşlar Merdan Kakabaýewiň «Süýji gawun», «Ak bugdaý», «Gülabylar we üzümler», Aşyrjuma Nuryýewiň «Sandykgaçynyň almalary», «Agronomyň portreti», Nikolaý Çerwýakowyň «Daýhanlar», «Säher», heýkeltaraşlar hem-de keramikaçylar Muhammet Ýüzbaşowyň «Hasyl baýramy», Çary Durdyýewiň «Miweler», «Hasyllylyk», Alekseý Şetininiň «Harmanda», Welmyrat Jumaýewiň «Pagtaçylar» ýaly eserleri giňden ýaýbaňlandyrylýar.
