Döwletimiz bu wajyp ugurda halkara resminamalaryny tassyklamak bilen, gyzyklanma bildirýän hyzmatdaşlaryň ählisi, şol sanda Birleşen Milletler Guramasy we onuň düzümleýin edaralary bilen netijeli gatnaşyklary giňeldýär.
Asyrlaryň dowamynda halkymyzyň durmuşyna, milli däp-dessurlaryna berk ornaşan — daşky gurşawyň arassa saklanmagyna gönükdirilen ýörelgeler Berkarar döwletimiziň bagtyýarlyk döwründe täze many-mazmuna eýe bolýar. Halkymyzyň gadymyýetden gelýän bu ynsanperwer däpleri häzirki döwürde adamzadyň ählumumy meseleleriniň ygtybarly çözgütlerini tapmaga gönükdirilýän düýpli çäreler bilen utgaşykly ösdürilýär.
