XVIII asyrda ýaşap geçen söz ussady, akyldar şahyr Magtymguly Pyragynyň döredijiligi türkmen edebiýatynyň taryhynda öz döwrüniň we soňky asyrlaryň şygryýetine ägirt uly täsir ýetirenligi bilen aýratyn orun eýeleýär. Pyragynyň şygyrlary türkmen halkyny ruhy galkynyşa çagyrýandygy bilen hemişelik hormata mynasyp boldy.
Şahyr söze uly sarpa goýýar we edil şeýle derejede sarpa goýulmagyň hemmeler üçin zerurdygyny nygtaýar.
