Belent maksatlara uly ynam bilen
Döwlet berkararlygymyzyň şanly senesiniň hem-de Halk Maslahatynyň mejlisiniň taryhy-syýasy ähmiýetini wagyz etmek maksady bilen, «Türkmen halkynyň Milli Lideriniň nusgalyk döwlet taglymaty we Arkadagly Gahryman Serdarymyzyň ýoly bilen beýik geljege tarap» atly maslahat geçirildi. Welaýat häkimliginiň mejlisler zalynda geçirilen maslahata häkimligiň jogapkär işgärleri, Mejlisiň deputatlary, welaýat, şäher, etrap halk maslahatlarynyň başlyklary, welaýatyň edara-karhanalarynyň, jemgyýetçilik guramalarynyň ýolbaşçylary, dürli ugurlarda zähmet çekýän adamlar, ýaşuly nesliň wekilleri gatnaşdylar.
