Wagyz-nesihat çäreleri geçirilýär

Saglyk
19 Fewral 2024
1179

Ilatyň saglygyny goramak döwlet syýasatymyzda möhüm wezipe hökmünde kesgitlenilendir. Bu ugurda hormatly Prezidentimiziň jemgyýetçilik guramalarynyň wekilleriniň öňünde goýan wezipelerini üstünlikli ýerine ýetirmek maksady bilen şu günler ilat arasynda wagyz-nesihat çärelerini yzygiderli geçirýäris. Bilim edaralarynda, edara-kärhanalarda geçirilýän şeýle ähmiýetli çärelerde gyş günlerinde özüňi ýokanç kesellerden goramagyň möhümdigi barada aýratyn gürrüň edilýär. Lukmanlar öz çykyşlarynda Gahryman Arkadagymyzyň «Türkmenistanyň dermanlyk ösümlikleri» atly köpjiltli ylmy-ensiklopedik kitaby esasynda taýýarlanylýan melhemlik çaýlaryň ýokanç kesellerden goranmakdaky ähmiýeti dogrusynda nygtaýarlar. Çäreleriň dowamynda dürli durmuş ýagdaýlarynda özüňe we birek-birege kömek bermek boýunça wideoşekiller görkezilip, gollanmalar paýlanylýar.

Ereş ORUNOW,
Türkmenistanyň Gyzyl Ýarymaý Milli jemgyýetiniň Çärjew, Darganata, Dänew etraplaryndaky wekili.
Beýleki habarlar