Döwür Arşa ganat açýar, hoşmeýilli ýollar bilen,
Watan dünýä ýalkym saçýar, şöhratly ykballar bilen,
Öňe beýik ýollar geçýär Arkadagly iller bilen,
Her köňül öz bagtyn guçýar läle-reýhan güller bilen,
Hemişelik Bitarap ýurt, synmaz erkim, Türkmenistan!
Pederleň mertlik mekdebi täze eýýamyň ünsünde,
Türkmeniň ygrar-messebi bu gün dünýäniň ünsünde,
Asmanda akja kepderi Arşyň-ummanyň ünsünde,
Şadyýan çaga sesleri ruhy diwanyň ünsünde,
Täze ruhly Bitarap ýurt, ynam-erkim, Türkmenistan!
