Gülläp ösýän we özgerýän ata Watanymyzda her bir günümiz ýaşaýşymyzyň mundan beýläk-de gowulanmagynda oňyn täsiri bolan tutumly başlangyçlara beslenýär. Berkarar ýurdumyzyň ykdysadyýetiniň ähli pudaklaryny ösdürmekligi nazarlaýan düýpli özgertmeler üstünlikli durmuşa geçirilýär. Muňa eşretli durmuşyň hözirini görýän raýatlarymyzyň buýsanjynyň çäginiň ýokdugyny bellemek aýratyn ýakymlydyr.
Täze taryhy eýýamda döwletli tutumlar hormatly Prezidentimiziň agzybir halkyna, eziz ýurduna bolan söýgi-sarpasynyň, döredijilikli zähmetiniň miwesidir. Halkymyz Arkadagly Gahryman Serdarymyzyň özgertmelerini goldaýar, olaryň üstünlikli durmuşa geçirilmegine işjeň gatnaşýar. Sebäbi şol özgertmeleriň özeninde halkyň nurly geljegi, eşretli ertiri durýar. Netijede, berkarar Diýarymyzyň ykdysady taýdan kuwwatly, syýasy taýdan durnukly, demokratik ýurt hökmünde dünýäde eýeleýän orny öňküdenem pugtalanýar.
