Şeýle at bilen 4-nji martda Halkara zenanlar güni mynasybetli Türkmenistanyň Suratkeşler birleşiginiň sergi merkezinde däp bolan sergi-bäsleşik dabaraly ýagdaýda öz işine başlady.
Her ýyl Halkara zenanlar gününiň öňüsyrasynda zenan suratkeşler türkmen halkynyň däp-dessurlaryny we medeniýetini, gyzlaryň, eneleriň gözelligini, şeýle-de baharyň gelşini wasp edip, iň gowy şekillendiriş sungat eserlerini halk köpçüligine hödürleýärler.