«7/24. tm» №11 (198), 11.03.2024
«Türkmengaz» döwlet konserniniň Medeni işewürlik merkezinde Türkmenistanyň Magtymguly adyndaky Ýaşlar guramasynyň Merkezi Geňeşi, Türkmenistanyň Bilim ministrligi, Zenanlar birleşiginiň Merkezi Geňeşi tarapyndan ýurdumyzyň ýokary okuw mekdepleriniň talyp gyzlarynyň arasynda Halkara zenanlar güni mynasybetli geçirilýän «Talyp gözeli—2024» atly gözellik bäsleşiginiň jemleýji tapgyry geçirildi. Aýratyn belläp geçmeli zatlaryň biri hem bu ýylda bäsleşige Gahryman Arkadagymyzyň yhlasyndan kemal tapan, Arkadagly Gahryman Serdarymyzyň saýasynda döran Arkadag şäheriniň Aba Annaýew adyndaky Halkara atçylyk akademiýasynyň hem talyp gözeli gatnaşdy.