Zenan ýüreginiň islegine düşünmek üçin ygtybarly ýollaryň biri, dünýäniň belli bilermenleri tarapyndan olaryň doglan ýyly, aýy-güni, täleý ýyldyzy bilen bagly taýýarlanylýan gyzykly maglumatlar bilen tanyş bolmakdyr. Biz hem žurnalymyzyň Halkara zenanlar gününiň bellenilýän aýyndaky sanynda öz ugrundan ussat bilermenleriň zenanlaryň doglan aýyna laýyklykda olaryň täsin gylyk-häsiýetlerini kesgitleýän, şonuň bilen birlikde-de olaryň näzik göwünlerine ýol salmaga kömek etjek täsirli maglumatlary hödürleýäris. Psiholog-bilermenleriň bellemeklerine görä, ömrüniň ilkinji aýlary her bir ynsanyň, ylaýta-da zenan maşgalanyň gylyk-häsiýetiniň özboluşly kemala gelmegine iňňän ýiti täsir edýär. Goý, biziň taýýarlan bu maglumatlarymyz hem size syrly zenan dünýäsi bilen has golaýdan tanşyp, mährem enelerdir uýalaryň, ýüzlerimiziň tuwagy bolan gyz-gelinleriň hamrak göwnüni tapmaga, magşuk gözelleriň näzlerine düşünmäge ýardam bersin. Onda näme, zenan dünýäsine barýan syrly ýodalaryň birinde sizi hoş gördük!
Ýanwarda doglan zenanlar...
