Türkmenmetbugat

"Türkmenistan Sport" Halkara žurnaly

Esaslandyryjysy: Türkmenistanyň sport we ýaşlar syýasaty ministrligi
Salgysy: Aşgabat şäheri, B.Saparmyrat Türkmenbaşy şaýoly 54
Telefon belgileri: 22-81-38

Gazeti PDF görnüşinde ýükläp almak

Habarlar

Ýaş ýangyn söndürijileriň bäsleşigi

Türkmenabat şäher häkimliginiň «Bagtyýarlyk» çagalar sagaldyş we dynç alyş merkezinde dynç alýan mekdep okuwçylarynyň arasynda döredilen ýaş ýangyn söndüriş toparlarynyň agzalarynyň gatnaşmaklarynda wagyz-nesihat ediji bäsleşik geçirildi. Ony biziň bölümimiz bilen welaýat baş bilim müdirligi, welaýatymyzyň jemgyýetçilik guramalary bilelikde guradylar. Hormatly Prezidentimiz ösüp gelýän ýaşlaryň döwrebap bilim almaklary, berk bedenli, sagdyn, geljekki durmuşa taýýar, düşünjeli şahsyýetler bolup ýetişmekleri ugrunda ýadawsyz alada edýär. Öňde goýulýan belent talaplardan ugur alyp, orta mekdepleriň okuwçylarynyň ýangyn howpsuzlygynyň düzgünleri baradaky bilimlerini kämilleşdirmek hem-de olaryň ýangyn howpuna garşy göreşmek boýunça düşünjelerini artdyrmak maksady bilen degerli işler alnyp barylýar. Munuň üçin okuwçy ýaşlaryň arasynda ýangyn-amaly sporty giňden ýaýradylýar. Bu geçen bäsleşik ýaş ýangyn söndüriş toparlarynyň agzalarynyň taýýarlygyny ýokarlandyrmakda ähmiýetli boldy.

16 Iýul 2024

Bäsleşik geçirildi

Golaýda Ylym we bilim işgärleriniň kärdeşler arkalaşygynyň Köýtendag etrap geňeşiniň guramagynda etrapdaky 1-nji çagalar we ýetginjekler döredijilik öýünde orta mekdepleriň okuwçy gyzlarynyň arasynda «Datly tagamlar» atly bäsleşik geçirildi. Bäsleşigiň maksady gyzlaryň ýaşlykdan türkmen milli tagamlary bilen giňden tanyşmaklaryny, olaryň taýýarlanyş usullaryny özboluşly öwrenmeklerini hem-de dynç alyş döwründe boş wagtlaryny peýdaly geçirmeklerini gazanmakdan ybaratdyr. Emin agzalarynyň ses bermeginde ýeňijiler yglan edildi. Netijede, birinji orna etrapdaky 1-nji orta mekdebiň okuwçysy Roza Azadowa, ikinji orna Aýnura Şakirjanowa, üçünji orna bolsa Arzuw Babamuradowa mynasyp boldy. Ýeňijilere Ylym we bilim işgärleriniň kärdeşler arkalaşygynyň Köýtendag etrap geňeşi tarapyndan ýadygärlik sowgatlary gowşuryldy.

16 Iýul 2024

Wagyz-nesihat çäreleri

Halal zähmetiň guwanjy TKA-nyň etrap birleşmesiniň, TMÝG-niň etrap geňeşiniň we etrabyň “Akýap” daýhan birleşiginiň bilelikde guramagynda “Halal zähmet bilen gazanylýan üstünlikler” atly wagyz-nesihat çäresi geçirildi. Ady agzalan daýhan birleşiginiň edara jaýynda geçirilen bu çärä TKA-nyň etrap birleşmesiniň, TMÝG-niň etrap geňeşiniň işgärleri we işjeň agzalary, şu daýhan birleşiginiň kärendeçileri we Gumgüzer geňeşligiň ýaşaýjylary gatnaşdylar.

16 Iýul 2024

Täze awtobus ugry işe girizildi: 72-lik belgili gatnaw «Awtokombinat — Awtomenzil» ugry boýunça hereket eder

Ilatymyzyň awtomobil gatnamalaryna bolan isleglerini kanagatlandyrmak, awtomobil ulaglarynda ýolagçylaryň ýokary hilli gatnadylmagyny, olara medeniýetli hyzmat edilmegini gazanmak maksady bilen, Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentliginiň Aşgabatdaky ýolagçy awtoulag kärhanasy 2024-nji ýylyň 14-nji iýulyndan 72-nji «Awtokombinat — Awtomenzil» täze awtobus ugruny ýola goýdy. Bu awtobuslaryň «Awtokombinat» belleniş nokadyndan ugrap, Gündogar köçesi boýunça hereket edýändigini, şeýle hem hereketini Gurbansoltan eje şaýoly bilen Arçabil aýlaw ýoluna tarap dowam edip, Arçabil aýlaw ýoly bilen «Ak tam» bazaryna hem-de «Altyn asyr» Gündogar bazaryndan, A.Nyýazow şaýolynyň ugry bilen «Halkara awtomenzile» barýandygyny ýolagçylaryň dykgatyna ýetirýäris.

16 Iýul 2024

Guwandyryjy sepgitler, möhüm wezipeler

12-nji iýulda geçirilen Ministrler Kabinetiniň giňişleýin mejlisinde hormatly Prezidentimiziň beren tabşyryklaryny, öňde goýan möhüm wezipelerini ýerine ýetirmegiň meselelerine bagyşlanan pudaklaýyn maslahatlarda 2024-nji ýylyň birinji ýarymynda gazanylan netijelere syn berlip, ýurdumyzy mundan beýläk-de ösdürmegiň ýollary kesgitlenildi. Türkmenistanyň Mejlisinde geçirilen maslahatda döwletimiziň demokratik, hukuk we dünýewi esaslarynyň berkidilmegine, ykdysadyýetiň ýokary ösüş depginleriniň üpjün edilmegine, halkymyzyň durmuş derejesiniň ýokarlanmagyna gönükdirilen giň möçberli özgertmeleriň kanunçylyk binýadyny berkitmek bilen bagly meseleler ara alnyp maslahatlaşylyp, şunda kanunçylyk namalaryny döwrüň talaplaryna laýyklykda yzygiderli kämilleşdirip durmagyň zerurdygy nygtaldy.

16 Iýul 2024

Abadan durmuşyň goragynda

Häzirki döwürde ýurdumyzda daşky gurşawy gorap saklamak, goýnunda gaýtalanmajak özboluşly biodürlüligi bolan gözel tebigata aýawly çemeleşmek boýunça maksatnamalaýyn we toplumlaýyn işler alnyp barylýar. Ýurdumyzda durnukly ykdysady ösüşi, ekologik abadançylygy üpjün etmekde, gözel tebigatymyzy we onuň haýwanat dünýäsini gorap saklamakda hem-de bütin özboluşlylygy bilen geljek nesillere ýetirmekde ýangyn howpsuzlygynyň talaplarynyň berjaý edilmegi wajypdyr. Çünki ýangyn hadysasy tebigata, onuň haýwanat dünýäsine öwezini dolup bolmajak zeper ýetirip bilýär. Ilkidurmuş döwürlerinden bäri adamlar ot diýen hadysa düşünmek, oňa erk etmek ýaly tejribeleri özleşdirip, kämilleşdirip, onuň bilen baglanyşykly jemgyýetçilik gatnaşyklaryny häzirki görnüşe getiripdirler. Ýangyn hadysasy adamyň jany we saglygy, eýeçiligi, daşky gurşawyň abadançylygy babatda juda howpludygy sebäpli, özi babatda ýyllaryň dowamynda gazanylan tejribä hem-de döwrebap bilimlere daýanýan çemeleşmäni talap edýär.

16 Iýul 2024

Çeper elleriň hünäri

Ýakynda Türkmenistanyň Zenanlar birleşiginiň Merkezi geňeşi, Kärdeşler arkalaşyklarynyň Milli merkezi hem-de ÝUNESKO-nyň işleri barada Türkmenistanyň milli toparynyň sekretariaty tarapyndan ýurdumyzyň çeper elli zenanlarynyň arasynda yglan edilen «Gülüň owadan!» atly bäsleşigiň Ahal welaýat tapgyry geçirildi. Bäsleşigiň Änew şäheriniň medeniýet öýünde guralan jemleýji tapgyryna welaýatyň dürli ýerlerinden çeper elli zenanlar gatnaşyp, türkmen milli keçesini taýýarlamakda, gadymy nagyşlary keçä salmakda ulanylýan usullar, keçe güllenilişi dogrusynda gürrüň berdiler. Olaryň keçe bilen baglanyşykly aýdan gyzykly maglumatlary, rowaýatlary, gazallary, aýdyşyklary çärä gatnaşyjylarda uly täsir galdyrdy. Ýaşlarda zenan edebini, tebigy gözelligi, türkmen zenanyna mahsus asylly gylyk-häsiýetleri terbiýelemekde, ýaş nesle milli gymmatlyklarymyza, ene-mamalarymyzdan galan ajaýyp el işlerine bolan höwesi artdyrmakda bu gadymy senediň uly ähmiýeti bardyr. Emin agzalarynyň biragyzdan gelen netijesine görä, Babadaýhan etrabyndan Ýazbibi Atageldiýewa birinji, Gökdepe etrabyndan Mähri Berdimuhamedowa ikinji, Tejen etrabyndan Jennet Wepaýewa üçünji orna mynasyp boldular. Ýeňijilere Kärdeşler arkalaşyklarynyň welaýat birleşmesiniň ýadygärlik sowgatlary gowşuryldy.

16 Iýul 2024

Çagalar hakyndaky alada

Golaýda Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan we saglyklaryny dikeldýän we Gökderede dynç alýan Döwletliler köşgüniň çagalaryna edermen gallaçylaryň gazanan ajaýyp zähmet ýeňşi mynasybetli hormatly Prezidentimiziň we Gahryman Arkadagymyzyň adyndan ýörite sowgatlar gowşuryldy. Dabaralaryň dowamynda çagalaryň çykyşlaryna giň orun berildi. Olaryň sazlaşykly ösüşi we sagdyn bolmaklary ugrunda yzygiderli alada edilýändigi üçin lukman Arkadagymyza, hormatly Prezidentimize hoşallyk sözlerini beýan etdiler. Çagalara ýörite sowgatlaryň gowşurylmagy dabaranyň ýatda galyjy pursatlara beslenendigini görkezýär.

15 Iýul 2024

Nebitgaz toplumynda ýylyň alty aýynyň jemlerine garaldy

15-nji iýulda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň geçen alty aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 12-nji iýulda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda şu ýylyň geçen alty aýynda alnyp barlan işleriň netijelerine bagyşlap geçiren Türkmenistanyň Ministrler Kabinetiniň giňişleýin mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi. Türkmenistanyň Ministrler Kabinetiniň Başlygynyň orunbasary Batyr Amanow hasabat ýygnagyny açyp, hormatly Prezidentimiz Serdar Berdimuhamedowyň nebitgaz senagatynyň işini kämilleşdirmekde, yzygiderli ösdürmekde we bu ugurda iri taslamalary durmuşa geçirmekde ähli mümkinçilikleri döredip berýändigini, önümçilik kuwwatlyklarynyň döwrebaplaşdyrylýandygyny, kämil enjamlaryň, tehnikalaryň we innowasion tehnologiýalaryň ulgama ornaşdyrylýandygyny, şonuň netijesinde pudagyň öňünde wajyp wezipeleriň kesgitlenendigini belledi.

15 Iýul 2024

Sazanda obasyna sowlup ötüň! (Oçerk)

Daň bilen baga baryp, bilbil sesine gulaklaryny gandyrmak indi nijeme ýyl bäri onuň edähedine öwrülipdi. Özi oglanlykdan kitaphon bolansoň, Türkmenistanyň halk ýazyjysy Berdinazar Hudaýnazarowyň: «Säher yhlas bilen saýranda guşlar, // Hiç kim diňlemese aglaýarmyşlar» diýen setirleri özi üçin ýazylan ýaly, bagyň içine howlugyberýär. Pah, daň ýeline şirin saz çalýan, baharda gülleriniň ysy müşki-anbar saçýan, tomusda, güýzde bişen miweleriniň ysy agzyňy suwardyberýän giden baglykda nagma kakýan guşlaryň owazam gulaga üýtgeşik degiberýär. Ah-ow, onsoňam öz ýetişdiren bagyňda perwaz urýan naşyja bilbilem, göwnüňe bolmasa, özüňki ýaly bolup dur. Honha, ertirlik çaýyny hem içmän, perzentleri Humaý, Ylham, Yhlas, Arzuw ylgaşlap gelýärler. Köňül telwaslaram kakalarynyň ýanynda durup, bilbil owazyny diňlemek. O ýan, bu ýan parran geçýän gaýçyguýruk garlawaçlaryň, birenaýy jürküldeşýän serçeleriň, «gur-gury» gulagyňda galýan gumrularyň... bileleşip, tutuş baga ýaýradýan «simfoniýasyny» diňlemek, terliginden ýaňa ýalpyl-ýalpyl edýän, gözüň düşeninden agzyňy suwardýan miwelerden lezzet almak, bu gün düýnküsinden has agralyp, şahasyndakyny göteribilmän, ýere baş egen agaçlara direg-tekge berýän pederine kömekleşmekdi... Şolary görende, Dädebaýyňam ýüregi joşuberýär. Gör-ä, perzentleriniň ony hakyda depderinde ýakymly ýatlama bolup galan günlere dolaýşyny! Diňe bir gadymy Sazanda oba

15 Iýul 2024

Çagalar — durmuşymyzyň gunça-gülleri

Mälim bolşy ýaly, çagalar barada hemmetaraplaýyn alada, olaryň beden, ruhy taýdan sagdyn ösmegi üçin amatly şertleriň döredilmegi Gahryman Arkadagymyz tarapyndan başy başlanyp, häzirki wagtda hormatly Prezidentimiziň parasatly baştutanlygynda üstünlikli amala aşyrylýan durmuş ugurly syýasatyň möhüm wezipeleriniň biridir.

15 Iýul 2024

Ýurdumyzda sagdyn durmuş dabaralanýar

Geçen hepdede «Türkmengaz» döwlet konserniniň Ylmy-barlag tebigy gaz institutynda sagdyn durmuş ýörelgeleri, ýol hereketiniň howpsuzlygy, hukuk medeniýeti bilen bagly wagyz-nesihat duşuşygy geçirildi. Oňa «Türkmengaz» DK-nyň «Nebit-gaz» gazetiniň, Ylmy-barlag tebigy gaz institutynyň, «Taslama işleri», «Işçi iýmiti üpjünçiligi we hyzmatlar», Nebitgaz toplumynyň senagat desgalarynyň maýa goýum we tehnologik taslamalaryny döwlet seljeriş müdirlikleriniň işgärleri gatnaşdy. Duşuşygyň dowamynda Türkmenistanyň Içeri işler ministrliginiň 4-nji müdirliginiň wekili, polisiýanyň podpolkownigi Nepesgylyç Halimow, Polisiýanyň ýol gözegçiligi müdirliginiň 4-nji bölüminiň müdiri, polisiýanyň maýory Döwran Amanmyradow, Türkmenistanyň Nebitgaz senagaty toplumynyň işgärleriniň kärdeşler arkalaşygynyň tehniki gözegçisi Geldimyrat Seýtiýew, «Işçi iýmiti üpjünçiligi we hyzmatlar» müdirliginiň esasy hünärmeni Jepbar Annaşow dagy çykyş etdi. Çykyşlarda bellenilişi ýaly, hormatly Prezidentimiziň, Gahryman Arkadagymyzyň öňdengörüjilikli taýsyz tagallalarynyň netijesinde Garaşsyz, baky Bitarap ýurdumyz gysga döwrüň içinde uly ösüşlere eýe boldy. Türkmen jemgyýetinde zyýanly endikleriň öňüni almakda wajyp orun eýeleýän sagdyn durmuş ýörelgesini işjeň wagyz etmek döwlet syýasatynyň ileri tutulýan ugurlarynyň birine öwrüldi. Ýurdumyzda sagdyn durmuş ýörelgesi babatynda möhüm işler üstünlikli durmuşa geçir

15 Iýul 2024

Ýüzugra edilen bellikler (Pikir ýöretme)

«GUŞHANADAKY» OWAZLARYŇ KOLLAŽY ...Güwläp geçip gidýär maşynlar köçeden. Olaryň özleri ötüp gitseler-de, yzyna eýermeýän gohlarynyň bir bölegi açyk duran penjirämden kürsäp girýär. Ol girýän sesler özleri bilen daşarynyň sowugyndanam ep-esli alyp girýärler. Yzyndan gelýän başga-başga owazlara orun boşatmak üçin çykyp gidenlerinde bolsa, hyýallarymdanam bir ülşüni — ýetdik paýlaryny alyp gidýärler uzaklara. Geçmişe gidýäni haýsy, geljege gönügýäni haýsy. Olaryň tizligem sesiň tizligindenem çakganrak bolmaly-da, derrewem dolanyp gelýärler mas ýüklenip...

15 Iýul 2024

Şükranalyk näme? (Durmuş we biz)

Belki, men bu sowala has giňişleýin jogabam tapybilmen ýa-da uly iliň bilýäninden artyk zat aýdybam. Ýöne şonda-da, bilemok, ýatlatma bolsun diýipmi ýa iç-içimden ýene bir gezek şükür edesim gelipmi, garaz, galamy hut şu tema boýunça elime alasym geleni-hä çyn. Ýogsa-da, şükür näme? Nämeden her kimiň diline sena ol söz? Iň bärkisi, birinden: «Gowumy ýagdaýlaryň?» diýlip soralanda-da: «Hudaýa şükür, özüňiz neneň?» diýen jogaby eşidýäň. Şonda iki ynsanyň arasyna nähilidir bir göze görünmeýän mähribanlyk aralaşýar. Şeýdibem gep-üýnüň alşyp gidiberýär. Käte düşen ýagdaýymyzdan nägile bolup, zeýrenibermämiz bar. Şol halat diňeje başa gelen şol dert hakynda pikirlenemizsoň, Ýaradanyň eçilen galan gowulyklary ýadymyzdan çykýar. Özem dargursak bolan çagyň başyňa gelýär bu iş. Soň uly ýoly söküp barşyňa, töweregiňe nazar aýlaýaň. Janyňa jaý gözleýäň. Şonda kimi görüp, pikir etmelileriň, kimi görüp, şükür etmelileriň deňinden geçýäň. Gulagyňda bolsa ulularyň: «Bu dünýä her kim bir synag üçin ugradylýandyr, ogul! Kim baýlyk bilen, kim ýokluk bilen, kim hassalyk, kimi ýalňyzlyk, kimi edeni ugrunalyk... bilen synalýandyr. Onsoň «men baý» diýip, gaňňaňy garnyňa alyberseň ýa «men ýoksul» diýip, şükür etmegiňi goýuberseň, bolmaz-a. Bu bir çarhypelekdir. Munda gowulykdan başga zat bilen yz goýup bolýan däldir!» diýýän sözleri ýaňlanýar.

15 Iýul 2024

Erik bişen günleri (Oýlanma)

Şiresi daşyna çykan sary erikler özüne örkläýdi. Onuň ysy, buldurap durşy juda bişendiginden nyşandy. «Ene, bize erik bagyny görkezäý-dä. Ol ýertudana ýaly owadanjamy ýa-da üzüm ýaly çyrmaşyp ösýärmi?!». Ana, indem sary erikler maňa agtyklarymyň sowalyny hem ýatlatdy. Şol gün olara erik bagyny tanatjak bolup, baý, azap çekipdim-ä. Öýümizden jigimlere barýançak diňe bag saýlapdyk. «Gyzym, ine, bu tut agajy, ýapraklaryna seret, gyralary keşdelijedir. Onuň tudanasyndan geçen ýyl bal ýapanymyz ýadyňdamy? Baý, doganyň bilen tudana çöpläpdiňiz-ä. Ataň bolsa eli ýeten şahalaryny silkip beripdi. Ine, bu üzüm bagy, bu bolsa garaly, oglum! Häzir, häzir men size erik bagynam tanadaryn». Köp gatly jaýlaryň arasy bilen barşymyza, ahyram 60-njy mekdebiň töwereginde birnäçe erik bagy gabat gelipdi. Şonda men: «Wah, erik bişen günleri sizi bir oba äkidip bolaýsady. Erik baglaryndan ýaňa ol-a mellekler ekeni, uly köçeleriň gyralaram doludyr. Özem hasylyny göterip bilmän basyrynyp durandyrlar welin, degýän adam ýokdur. Sebäbi her kim öz bagynyň hasylyny yrýa etmän ýygnap bilse, zor boldugy» diýipdim. Olaryň ikijigi iki ýerden: «Äkidäý-de-äkidäý» bolşupdylar. «Äkiderin, erik bişen günleri hökman äkiderin. Siz hut öz elleriňiz bilen erik ýygarsyňyz. Onsoň hiç wagt erik bagy-da, miwesi-de ýadyňyzdan çykmaz» diýipdim. Ine, şol söz beren günlerimem, bir seretsem, ýetip geläýipdir. Süýjüje umytlary ka

15 Iýul 2024

Türkmenistanyň Mejlisiniň maslahaty

13-nji iýulda Türkmenistanyň Mejlisiniň ýedinji çagyrylyşynyň altynjy maslahaty geçirildi. Onuň barşynda hormatly Prezidentimiz Serdar Berdimuhamedowyň döwlet syýasatynyň ileri tutulýan ugurlaryna hem-de ýurdumyzyň kanunçylyk-hukuk binýadyny döwrebaplaşdyrmak boýunça toplumlaýyn maksatnama laýyklykda işlenip taýýarlanylan kanunlaryň birnäçesine garaldy we kabul edildi. Maslahata degişli ministrlikleriň, pudaklaýyn dolandyryş edaralarynyň birnäçesiniň, köpçülikleýin habar beriş serişdeleriniň wekilleri çagyryldy. Ilki bilen, parlamentarileriň garamagyna «Türkmenistanyň Mejlisiniň aýry-aýry saýlaw okruglary boýunça saýlanylan deputatlarynyň ygtyýarlyklaryny ykrar etmek hakynda» Mejlisiň kararynyň taslamasy hödürlenildi. 7-nji iýulda Aşgabat şäheriniň 1-nji «Garaşsyzlyk», 2-nji «Bitaraplyk», 6-njy «Köpetdag» saýlaw okruglary boýunça Mejlisiň möhletinden öň çykyp giden deputatlarynyň ýerine saýlawlar geçirildi. Möhüm jemgyýetçilik-syýasy çäre açyklyk we aýanlyk ýagdaýynda, giň bäsdeşlik esasynda geçirildi. Bu waka türkmenistanlylaryň ýurdumyzyň we halkymyzyň röwşen geljeginiň bähbidine döwlet işlerine işjeň gatnaşýandygyny aýdyň görkezdi. Şeýle hem deputatlar tarapyndan Mejlisiň düzümi bilen baglanyşykly käbir guramaçylyk meselelerine garaldy.

15 Iýul 2024

Türkmenistanyň Mejlisiniň maslahaty

13-nji iýulda Türkmenistanyň Mejlisiniň ýedinji çagyrylyşynyň altynjy maslahaty geçirildi. Onuň barşynda hormatly Prezidentimiz Serdar Berdimuhamedowyň döwlet syýasatynyň ileri tutulýan ugurlaryna hem-de ýurdumyzyň kanunçylyk-hukuk binýadyny döwrebaplaşdyrmak boýunça toplumlaýyn maksatnama laýyklykda işlenip taýýarlanylan kanunlaryň birnäçesine garaldy we kabul edildi. Ilki bilen, parlamentarileriň garamagyna «Türkmenistanyň Mejlisiniň aýry-aýry saýlaw okruglary boýunça saýlanylan deputatlarynyň ygtyýarlyklaryny ykrar etmek hakynda» Mejlisiň kararynyň taslamasy hödürlenildi. Habar berlişi ýaly, 7-nji iýulda Aşgabat şäheriniň 1-nji «Garaşsyzlyk», 2-nji «Bitaraplyk», 6-njy «Köpetdag» saýlaw okruglary boýunça Mejlisiň möhletinden öň çykyp giden deputatlarynyň ýerine saýlawlar geçirildi. Bu waka türkmenistanlylaryň ýurdumyzyň we halkymyzyň röwşen geljeginiň bähbidine döwlet işlerine işjeň gatnaşýandygyny aýdyň görkezdi. Şeýle hem deputatlar tarapyndan Mejlisiň düzümi bilen baglanyşykly käbir guramaçylyk meselelerine seredildi.

15 Iýul 2024

Milli ýol-ýörelgeler wagyz edilýär

Gökdepe etrabynyň çäginde ýerleşýän iri senagat kärhanalarynda, daýhan birleşikleridir daýhan hojalyklarynda, oba ýerlerinde ýaşlaryň uly topary zähmet çekip, Watanymyzyň gülläp ösüşlerine özleriniň mynasyp goşantlaryny goşýarlar. Türkmenistanyň Magtymguly adyndaky Ýaşlar guramasynyň etrap Geňeşi tarapyndan şol ýaşlaryň arasynda ýörite meýilnama esasynda wagyz- nesihat çäreleri yzygiderli geçirilip durulýar. “Pähim-paýhas ummany Magtymguly Pyragy” ýylynyň häzirki şanly günlerinde etrabymyzyň ýaşlarynyň arasynda geçirilýän duşuşyklarda ata-babalarymyzyň müňýyllyklaryň dowamynda kemala getiren watansöýüjilik, arassa ahlaklylyk, zähmetsöýerlik ýaly häsiýetler, milli ýol-ýörelgeler wagyz-nesihat edilýär.

15 Iýul 2024

Türkmenistanyň Mejlisiniň maslahaty

13-nji iýulda Türkmenistanyň Mejlisiniň ýedinji çagyrylyşynyň altynjy maslahaty geçirildi. Onuň barşynda hormatly Prezidentimiz Serdar Berdimuhamedowyň döwlet syýasatynyň ileri tutulýan ugurlaryna hem-de ýurdumyzyň kanunçylyk-hukuk binýadyny döwrebaplaşdyrmak boýunça toplumlaýyn maksatnama laýyklykda işlenip taýýarlanylan kanunlaryň birnäçesine garaldy we kabul edildi. Ilki bilen, parlamentarileriň garamagyna «Türkmenistanyň Mejlisiniň aýry-aýry saýlaw okruglary boýunça saýlanylan deputatlarynyň ygtyýarlyklaryny ykrar etmek hakynda» Mejlisiň kararynyň taslamasy hödürlenildi. Habar berlişi ýaly, 7-nji iýulda Aşgabat şäheriniň 1-nji «Garaşsyzlyk», 2-nji «Bitaraplyk», 6-njy «Köpetdag» saýlaw okruglary boýunça Mejlisiň möhletinden öň çykyp giden deputatlarynyň ýerine saýlawlar geçirildi. Bu waka türkmenistanlylaryň ýurdumyzyň we halkymyzyň röwşen geljeginiň bähbidine döwlet işlerine işjeň gatnaşýandygyny aýdyň görkezdi. Şeýle hem deputatlar tarapyndan Mejlisiň düzümi bilen baglanyşykly käbir guramaçylyk meselelerine seredildi.

15 Iýul 2024

Duşuşyk geçirildi

Döwletli-döwranly Watan Golaýda TMÝG-niň Mary etrap geňeşiniň, etrap bilim bölüminiň bilelikde guramagynda etrapdaky 2-nji çagalar bagynda körpeleriň arasynda “Döwletli-döwranly Watan” ady bilen duşuşyk geçirildi. Duşuşyga TMÝG-niň etrap geňeşiniň işgärleri, etrap bilim bölüminiň hünärmenleri, etrapdaky 1-nji, 2-nji, 6-njy çagalar baglarynyň terbiýeçileri gatnaşdylar.

15 Iýul 2024

‹
1
2
...
69
70
71
72
73
74
75
...
1303
1304
›