Angliýada «Liwerpul», Ispaniýada «Žirona» 1-nji orna geçdi
Angliýanyň çempionatynda «Aston Willa» topary «Mançester Sitiden» soň «Arsenaly» hem 1–0 hasabynda utdy. Duşuşykdaky ýeke-täk goly 7-nji minutda MakGin derwezä girizdi. «Liwerpul» bolsa myhmançylykda «Kristal Palas» toparyny Salah hem-de Elliotyň gollary bilen 2–1 hasabynda ýeňdi. Bu duşuşykdan soň «Liwerpul» 1-nji orna beýgeldi. Duşuşykda hasaby deňlän goly geçiren Mohamed Salah «Premier Ligadaky» 150-nji, «Liwerpuldaky» 200-nji goluny öz adyna ýazdyrdy. Myhmançylykda «Luton Tawn» toparyny Bernardo Silwa hem-de Jek Grilişiň gollary bilen 2–1 hasabynda ýeňen «Mançester Siti» çempionatda 4 oýundan soň ilkinji ýeňşini gazandy. 10-njy tapgyrdan soň ýeňşi ýatdan çykaran «Tottenham» topary öz meýdançasynda «Nýukasly» 4–1 hasabynda utdy. 5 oýundan soň ýeňiş gazanan «Tottenhamyň» gollaryny Udoji, Rişarlison (2) hem-de Son tora girizdi. «Mançester Ýunaýted» bolsa «Premier Liganyň» taryhynda ilkinji gezek «Old Trafford» stadionynda «Bornmutdan» ýeňildi. 3-0 hasabynda ýeňiş gazanan «Bornmutyň» gollaryny Solanke, Billing hem-de Senesi geçirdi. Geçen tapgyrda «Tottenhamy» myhmançylykda ýeňen «West Ham» başga bir London derbisinde «Fulhamdan» 5–0 hasabynda utuldy. Mali