Gyzykly geçen ýaryş

Sport
16 Ýanwar 2024
406

Türkmenistanyň Magtymguly adyndaky Ýaşlar guramasynyň Daşoguz şäher geňeşi welaýat maýyplar bedenterbiýe-sport kluby bilen dil we eşidiş taýdan şikesli mekdep ýaşly gyzlaryň arasynda «Türkmenistanda Ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» amala aşyrmak boýunça ýerine ýetirmeli çäreleriň meýilnamasyndan ugur alyp, ýaşlary köpçülikleýin bedenterbiýä, sporta, sagdyn durmuş ýörelgelerine çekmek maksady bilen, sportuň stoluň üstünde oýnalýan tennis görnüşi boýunça ýaryş geçirdi. Oňa gatnaşan gyzlar öz aralarynda çekeleşikli bäsleşdiler. Gyzykly geçen bäsleşigiň netijesi boýunça 1-nji orna Gülasal Seýitmetowa, 2-nji orna Suraýýa Annamyradowa, 3-nji orna Malak Jumaniýazowa dagy mynasyp boldular. Bäsleşikde ýeňiji bolanlara Türkmenistanyň Magtymguly adyndaky Ýaşlar guramasynyň Daşoguz şäher geňeşiniň ýadygärlik sowgatlary gowşuryldy.

Abul HAÝTBAÝEW,
TMÝG-niň Daşoguz şäher geňeşiniň sanly ulgam boýunça esasy hünärmeni.
Beýleki habarlar