Türkmenmetbugat

"Biznes reklama" gazeti

Esaslandyryjysy: Türkmenistanyň söwda we daşary ykdysady aragatnaşyklar ministrligi
Salgysy: Aşgabat şäheri, Bitarap Türkmenistan şaýoly 101/1
Telefon belgileri: 21-97-19, 21-97-61

Gazeti PDF görnüşinde ýükläp almak

Habarlar

Daşoguz welaýatynda aragatnaşyk pudagynyň täze döwrebap edara binalary açyldy

18-nji sentýabarda şanly Garaşsyzlygymyzyň 33 ýyllyk baýramynyň öňüsyrasynda Döwlet Baştutanymyzyň bagtyýar döwrümiziň badyna tizlik berýän başlangyçlary bilen, Daşoguz welaýatynyň Akdepe etrabynyň Andalyp şäherinde aragatnaşyk pudagynyň işgärleri üçin niýetlenen, ähli amatlyklary bolan täze döwrebap 2 gatly edara binasynyň hem-de kömekçi binalaryň açylyş dabarasy geçirildi. «Türkmenaragatnaşyk» agentliginiň buýurmasy boýunça bina edilen döwrebap binalaryň gurluşyk işleri halkara ülňülere laýyklykda amala aşyrylyp, iş otaglarynyň giňligi we ýagtylygy iň amatly şertlere kybap gelýär we häzirkizaman enjamlary bilen doly üpjün edildi.

19 Sentýabr 2024

Aragatnaşykçylara toý sowgady

Mukaddes Garaşsyzlygymyzyň 33 ýyllyk şanly baýramy mynasybetli, Daşoguz welaýatynyň Akdepe etrabynyň Andalyp şäherinde etrap aragatnaşyk bölüminiň täze binasy ulanmaga berildi. «Daşoguztelekom» welaýat elektrik aragatnaşyk kärhanasynyň gurluşyk-abatlaýyş bölüminiň işçi-hünärmenleri tarapyndan gurlan binada häzirki zamanyň ösen isleglerine laýyk gelýän iň kämil enjamlar ornaşdyryldy. Ol etrabyň şäher we oba ilatyna ýokary derejede aragatnaşyk hyzmatlaryny ýetirmäge mümkinçilik berýär. Daşary ýurt kompaniýalary tarapyndan öndürilen ýörite enjamlar bilen üpjün edilen bölümde etrabyň edara-kärhanalaryna, müşderileriň üç müňden gowragyna hyzmat edilýär. Etrap aragatnaşyk bölüminiň döwrebap binasynda şäherara telefon aragatnaşygy, telefakslar, fakslar arkaly habarlary ýollamak nokatlary, abunaçylara gündelik neşirleri, žurnallary bökdençsiz paýlamaga we beýleki poçta hyzmatyny etmäge niýetlenýän bölümler, internet kafesi, ýörite otaglar ýerleşýär. Täze binanyň açylyş dabarasy şatlyk-şowhuna beslendi. Bu ýerde welaýatyň sungat ussatlary ajaýyp döwrümizi wasp edýän aýdym-sazlary bilen çykyş etdiler. Dabaraly çärede edilen çykyşlarda Arkadagly Gahryman Serdarymyza alkyşlar aýdyldy.

19 Sentýabr 2024

Täze bina — kämil hyzmat

Düýn «Marytelekom» welaýat elektrik aragatnaşyk kärhanasynyň Tagtabazar etrap aragatnaşyk bölüminiň täze döwrebap edara binasy açylyp ulanmaga berildi. Bu bina etrap merkezine aýratyn gözellik berýär. Täze binanyň mukaddes Garaşsyzlygymyzyň 33 ýyllyk şanly toýunyň öň ýanynda ulanmaga berilmegi sebitiň ýaşaýjylarynyň baýramçylyk ruhuny arşa göterdi. 2 gatdan, 16 sany önümçilik we iş maksatly otaglardan ybarat bina sanly ulgamyň kämil enjamlary bilen üpjün edilipdir. Munuň özi etrabyň ýaşaýjylaryna aragatnaşyk hyzmatynyň dürli görnüşini ýokary hilli guramaga ýardam berer. Dabara gatnaşanlar ilata ýokary hil derejesinde aragatnaşyk hyzmatlaryny ýetirjek etrap aragatnaşyk bölüminiň täze binasyny gurduryp beren Gahryman Arkadagymyza, Arkadagly Gahryman Serdarymyza sagbolsun aýdyp, olara jan saglyk, uzak ömür, alyp barýan il-ýurt, umumadamzat bähbitli işlerinde rowaçlyk arzuw etdiler. Bagtyýar ildeşlerimiziň ýürek buýsanjyny okyjylarymyza ýetirýäris.

19 Sentýabr 2024

Täze neşir: Arkadag şäheriniň tarypnamasy

Sebitde ýeke-täk «akylly» şäher bolan Arkadag şäheriniň ýeten belent derejelerini, gazanan üstünliklerini beýan edýän täze kitapça çapdan çykdy. Bu kitapça ýakynda paýtagtymyz Aşgabatda geçirilen maýa goýum forumyna gatnaşyjylara gollanma hökmünde Türkmen döwlet neşirýat gullugy tarapyndan çap edildi. Okyjylar köpçüligine ýetirilen bu kitapçada ýurdumyzyň iň bir owadan künjeginde gojaman Köpetdagy etekläp oturan, sebitde ilkinji «akylly» şäher konsepsiýasy esasynda bina edilen ajaýyp Arkadag şäheriniň waspy giňden beýan edilýär. Giriş bilen başlanyp, «Akylly» şäher: birinji tapgyrdaky döwletli tutumlar», «Bagtyýar ýaşaýşyň şäheri», «Akylly» durmuş infrastrukturasy», «Ýaşyl» şäher ekoulgamy», «Haýyr-sahawat gaznasy — ynsanperwerligiň nusgasy», «Arkadag şäheri halkara hyzmatdaşlygyň ilerleýän mekany», «Ikinji tapgyr: gurluşyklar dowam edýär», «Lukmançylyk klasteri — «akylly» şäheriň innowasion mümkinçilikleriniň nusgasy» hem-de «Bagtyň waspy» atly baplardan ybarat bu täze kitapça ajaýyp şäheriň iň gözel ýerleriniň suratlary bilen bezelipdir.

18 Sentýabr 2024

Ýollarymyz — ýürekleriň ýylysy

Döwrüň derwaýys desgalary Ilimizde gadymdan bäri ýörgünli bolan «Toý bir bolup dursun!» diýen senaly sözlerde nije many bar. Toýlar! Taryhy toýlar! Tutumly toýlar! «Gurýan döwlet gurpludyr» diýilýär. Elbetde, gurmak — gurpdan. Edil şonuň ýaly, toýlar hem tutumlylykdan, gurp-gurbatdan nyşan. Toýlaryň toýa ulaşyp, Garaşsyzlyk baýramymyzyň golaýlap gelýän günlerinde yzly-yzyna iri-iri çäreleriň çawy diňe bir ýurdumyzda däl-de, Watanymyzyň giňişliginden dostlukly döwletlere çenli dag aşdy. Türkmenistanyň maýa goýum forumy ählumumy ähmiýetliligi bilen taryhy waka boldy.

18 Sentýabr 2024

Döwletiň berkararlygy, jemgyýetiň jebisligi

Ýurdumyzda milli demokratik ýörelgämiziň dabaralanmagy jemgyýetiň kämil ösüşiniň binýadyny emele getirdi. Eziz Diýarymyzda türkmen halkynyň Milli Lideri Gahryman Arkadagymyzyň hem-de hormatly Prezidentimiz Arkadagly Gahryman Serdarymyzyň halkymyz baradaky taýsyz tagallalary we irginsiz zähmetleri netijesinde adalatlylyk, ynsanperwerlik, döwletlilik, milli gymmatlyklara sarpa goýmak ýaly ýörelgelerimiz dowamat-dowam bolýar. Şöhratly taryhymyzda beýik işleri bitiren ata-babalarymyzyň döwleti dolandyrmakdaky örän baý tejribesi esasynda, halkyň pikirine sarpa goýmak ýaly asylly däpleriniň şu günlerimize çenli gelip ýetmegi, döwletlilik ýörelgämizden habar berýär. Halkyň bähbidi, parahat durmuşda ýaşamagy ýaly ýörelgeleriň durmuşa geçirilmeginde Türkmenistanyň Halk Maslahatynyň ähmiýeti örän uludyr. Halk Maslahatynyň esasy maksady her bir raýatyň hukuklaryna aýratyn hormat goýmak bilen, jemgyýetde halkyň tekliplerini diňläp, ýurdumyza we halkymyza bähbitli boljak işleri bilelikde durmuşa geçirmekden ybaratdyr. «Pähim-paýhas ummany Magtymguly Pyragy» ýylynda Halk Maslahatynyň jemgyýetiň we döwletiň ösüşine aýratyn täsiri bardyr. Çünki beýik akyldaryň özbaşdak, Garaşsyz ýurtda ýaşamak arzuwy bu gün ähli türkmen halkyna miýesser etdi we Pyragynyň eserlerindäki watansöýüjilik, ynsanperwerlik, maşgala gymmatlygyna sarpa goýmak ýaly düşünjeleri öz beýanyny tapdy. Türkmenistanyň Ha

18 Sentýabr 2024

Garaşsyzlyk — geçmişimiz, şu günümiz, geljegimiz

Türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyz Gurbanguly Berdimuhamedowyň hem-de hormatly Prezidentimiz Arkadagly Gahryman Serdarymyzyň iňňän öňdengörüjilikli, parasatly, ynsanperwer işleriniň giňden ýaýbaňlandyrylmagy netijesinde uly zähmet üstünlikleri, belent abraý-mertebe bilen mukaddes Garaşsyzlygymyzyň 33 ýyllyk baýramyna barýarys. Gazanylýan üstünlikler Gahryman Arkadagymyzyň başlangyjy esasynda Arkadagly Gahryman Serdarymyzyň tagallasy bilen gurlan we gurulýan Arkadag şäheriniň mysalynda has aýdyň görünýär. Geçen 2023-nji ýylyň 29-njy iýunynda hormatly Prezidentimiziň gatnaşmagynda sebitde deňi-taýy bolmadyk bu «akylly» şäheriň birinji tapgyry dabaraly ýagdaýda açylanda döwrüň iň kämil enjamlary bilen enjamlaşdyrylan dürli maksatly desgalaryň 336-synyň, şol sanda 2, 5, 7, 9 gatly häzirki zaman ýaşaýyş jaýlarynyň 258-siniň hem-de beýleki hyzmat ediş edaralarynyň gurlup ulanmaga berilmegi halkymyzyň bolelin, bagtyýar durmuşyny üpjün etmek üçin uly tagallalaryň edilýändigini görkezýär. Arkadag şäherinde bina edilen ylym-bilim, saglygy goraýyş, medeniýet we sungat edaralaryna halkymyzyň bagtyýar durmuşa eýe bolmagyna mynasyp goşant goşan, halkymyzyň taryhynda öçmejek yz galdyran beýik şahsyýetleriň atlarynyň dakylmagy hem uly buýsanç duýgusyny döretdi.

18 Sentýabr 2024

Dogan gelýär dogan didaryn küýsäp

Dünýä türkmenleri ata Watanymyzyň köpugurly ösüşlerine bolan ýürek buýsançlaryny ýaşaýan ýerlerindäki beýleki halklaryň wekilleri bilen paýlaşyp, Arkadagly Gahryman Serdarymyzyň baştutanlygynda türkmen topragynda amala aşyrylýan ägirt işleri, ýetilýän belent sepgitleri giňden wagyz etmek işine mynasyp goşantlaryny goşýarlar. Dünýä türkmenleriniň ynsanperwer birleşigi abraýly halkara jemgyýetçilik guramasy bolup, 1991-nji ýylyň 18-nji maýynda Aşgabat şäherinde geçirilen Dünýä türkmenleriniň I maslahatynyň karary esasynda döredildi.

18 Sentýabr 2024

Ýaşlaryň şäheri — watansöýüjiligiň dabaralanmasy

Türkmen halkynyň Milli Lideri Gurbanguly BERDIMUHAMEDOW:— Arkadag şäheriniň «ýaşlaryň şäheri» diýen derejesinden ugur alyp, täze şäheriň ýaşlary watansöýüjilik, milli däp-dessurlara wepalylyk ruhunda terbiýelenilmelidir, ösüp gelýän ýaş nesilleriň şähere bolan söýgüsini pugtalandyrmak, olaryň edep-terbiýeli bolmagyny gazanmak ugrunda bilelikdäki tagallalar ýola goýulmalydyr. Geçen ýekşenbe güni Gahryman Arkadagymyz «akylly» şähere nobatdaky iş saparyny amala aşyranda, ýaşlaryň şäheri derejesine eýe bolan Arkadag şäherinde türkmen halkynyň taryhyň dowamynda döreden ýagşy dessurlarynyň ýaş nesliň aňyna berk ornaşdyrylmagynyň zerurdygyny nygtady we bu işde bilim işgärleri bilen bir hatarda ýaşulularyň hem bilelikdäki wagyz-nesihat işlerini yzygiderli guramagyň möhümdigine ünsi çekdi.

18 Sentýabr 2024

Ýaz ýakymly günler

Ajaýyp döwrümiziň şanly taryhyndan orun bermek üçin günlerimiziň her birinde müň bir sebäp bar. Şol günleriň içinde Arkadagly Gahryman Serdarymyzyň welaýatymyza şa gadamynyň, nazarynyň düşen günleri bolsa has aýratyn ýakyma eýe. Şol ýakymy welaýatymyzyň ýaşaýjylarynyň her biri ömürboýy gursagynda göterýär. Sahypamyzda «Pähim-paýhas ummany Magtymguly Pyragy» ýylynyň şeýle ýakymly günleriniň birnäçesini ýatlap geçmegi makul bildik.

18 Sentýabr 2024

Diýarymyň ýüregi sen, Aşgabat!

Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň taýsyz tagallalary netijesinde Aşgabat gün-günden gözelleşýär. Ajaýyp binagärligi özünde jemleýän, milli öwüşginleri bilen göreni haýrana goýýan, hatar guraýan owadan binalaryň, önümçilik kärhanalaryň, medeni-durmuş, ylym-bilim, saglyk maksatly desgalaryň, ýokary amatlyklary bolan ýaşaýyş jaýlaryň utgaşykly sazlaşygy paýtagtymyzyň görküne görk goşýar. Bu binalar diňe daşky gözelligi bilen däl, eýsem, ýokary hil derejesi, dünýä ülňülerine laýyk gelýändigi bilen hem tapawutlanýar. Paýtagtymyzdaky köpsanly binalar halkara derejede geçirilen binagärlik bäsleşikleriniň abraýly baýraklaryna mynasyp bolup, olaryň ençemesi Ginnesiň Bütindünýä rekordlar kitabyna girizildi. Gahryman Arkadagymyzyň jöwher paýhasyndan kemala gelýän Aşgabady binagärlik sungatynyň kämil nusgasyna öwürmek işleri häzirki wagtda hormatly Prezidentimiz tarapyndan üstünlikli dowam etdirilýär. Gözel paýtagtymyzda giňden bellenilýän Bilimler we talyp ýaşlar gününde hormatly Prezidentimiz Serdar Berdimuhamedowyň gatnaşmagynda ýurdumyzyň baş şäheriniň ajaýyp binagärlik keşbine sazlaşykly utgaşýan täze desgalaryň açylyş dabaralary boldy. Açylyp ulanylmaga berlen Aşgabat şäher häkimliginiň toplumynyň binasy halkymyzyň bagtyýar zamanamyza bolan buýsanjyny goşalandyrýar. Şähergurluşyk-binagärlik keşbi barha kämil gö

18 Sentýabr 2024

Arkadagly Gahryman Serdarly ýeňişli ýollar

Garaşsyz, hemişelik Bitarap döwletimiz Gahryman Arkadagymyzyň halkymyzyň çuňňur bähbidine ýugrulan mukaddes taglymatyny mynasyp dowam etdirýän Arkadagly Gahryman Serdarymyzyň beýik başlangyçlary netijesinde okgunly ösüşlere eýe bolýar. Berkarar döwletiň täze eýýamynyň Galkynyşy döwründe halk hojalygyna, medeni-durmuş ulgamyna ylmyň iň soňky gazananlaryny ornaşdyrmak, ýurdumyzy innowasion ýol bilen ösüşleriň täze belentliklerine çykarmak döwlet syýasatynyň esasyna öwrüldi. Hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen parasatly ýörelgesi Gahryman Arkadagymyzyň «Döwlet adam üçindir!» diýen şygary bilen utgaşyp, halk bilen Watanyň birligini, bitewiligini emele getirdi. Ýurdumyzyň alyp barýan «Açyk gapylar» syýasaty bolsa sebitiň, şeýle hem dünýäniň ösen döwletleri bilen dostlukly gatnaşyklara, özara bähbitli hyzmatdaşlyga giň ýol açdy.

18 Sentýabr 2024

Dillerimiziň dessany

Golaýda Türkmenistanyň Jemgyýetçilik guramalarynyň merkezinde Dünýä türkmenleriniň ynsanperwer birleşiginiň XXV maslahaty geçirildi. Ýurdumyzyň baş baýramy — Garaşsyzlyk gününiň öňüsyrasynda geçirilen maslahatyň işine daşary ýurtlarda ýaşaýan türkmenleriň wekilleri hem gatnaşdylar. Maslahatyň öňüsyrasynda halkymyzyň baý medeni mirasynyň, geçmişiniň we özboluşly däp-dessurlarynyň köpöwüşginliligini görkezýän şekillendiriş we amaly-haşam sungatynyň sergisi ýaýbaňlandyryldy. Maslahatda hormatly Prezidentimiz Serdar Berdimuhamedowyň maslahata gatnaşyjylara iberen Gutlagy uly ruhubelentlik bilen diňlenildi. Häzirki wagtda daşary ýurtlaryň 14-sinde, hususan-da, Russiýa Federasiýasynda, Beýik Britaniýada, Germaniýa Federatiw Respublikasynda, Şwesiýada, Ukrainada, Owganystanda, Birleşen Arap Emirliklerinde, Saud Arabystany Patyşalygynda, Pakistan Yslam Respublikasynda, Türkiýede, Özbegistanda, Gazagystanda, Gyrgyz Respublikasynda we Täjigistanda Dünýä türkmenleriniň ynsanperwer birleşiginiň bölümleriniň 27-si hereket edýär.

18 Sentýabr 2024

Baky berkararlygyň bagty

Garaşsyzlyk güni özygtyýarly ösüşiň täze taryhy döwründe ýurdumyzyň geçen şöhratly ýoluny äşgär edýän beýik baýramçylykdyr. Gahryman Arkadagymyzyň sargyt edişi ýaly, biz geçen taryhy ýolumyza buýsanmaga doly haklydyrys. Garaşsyz, hemişelik Bitarap Diýarymyzda amala aşyrylýan işler hem-de gazanylýan üstünlikler ulus-ilimiziň kalbynda öz halkyna we ajaýyp Watanyna buýsanç duýgularyny döredýär. Peder ýoluny mynasyp dowam etdirýän hormatly Prezidentimiziň öňdengörüjilikli döwlet syýasaty netijesinde Garaşsyz, hemişelik Bitarap Watanymyz dünýäniň kuwwatly, hemmetaraplaýyn ösýän döwletleriniň birine öwrülýär we syýasy, ykdysady, medeni ulgamlarda ägirt uly üstünliklere eýe bolýar. Garaşsyz döwletimiziň ösüşiniň häzirki döwründe ata Watanymyzyň beýik geljeginiň şanyna tutumly işler durmuşa geçirilýär, ykdysadyýetimiziň durnukly ösmegine aýratyn ähmiýet berilýär. Gahryman Arkadagymyzyň «Döwlet adam üçindir!» diýen döwletli ýörelgesine hem-de Arkadagly Gahryman Serdarymyzyň «Watan diňe halky bilen Watandyr! Döwlet diňe halky bilen döwletdir!» diýen taglymatyna laýyklykda ýurdumyzyň ykdysadyýetiniň ähli pudaklarynda, ylym, bilim, saglygy goraýyş, sport, medeniýet we syýahatçylyk ulgamlarynda giň möçberli özgertmeler amala aşyrylýar.

18 Sentýabr 2024

Baş baýram — göwünleriň tugy

Belent bagtymyzyň — mukaddes Garaşsyzlygymyzyň şanyna tutulýan toý milli senenamamyzyň bir gününiň çygryndan has giň. Tutuş ýurdumyz güýzüň ilkinji gününden bäri baş baýramymyzyň dabaralaryna beslenýär. Göwünlerdäki toý ruhy döwrümize, döwrümiziň toý lybasy bolsa göwnümize nur çaýýar. Mukaddes Garaşsyzlygymyzyň şanly 33 ýyllyk baýramynyň belleniljek gününe bir hepdeden sähel gowrak wagt galdy. Şanly toý barha ýakynlaşdygyça, göwünlerimiziň şatlygy, toý ruhy Göge göterilýär. Çünki baş baýram — her birimiz üçin iň mukaddes toý.

18 Sentýabr 2024

Geňeşli salamat bolar

Türkmenistanyň Halk Maslahatynyň nobatdaky mejlisiniň geçiriljek gününe bäş gün galdy. Nesip bolsa, gazetimiziň indiki sanynda taryhy mejlisden gelip çykýan netijeler bilen bagly makalalary dykgatyňyza hödürläris. Şeýle bolansoň, şu günler taryhy pursatlaryň bosagasynda durandygymyzy aýdyp bileris. Möhüm meseleleri köpçülik bilen maslahatlaşyp çözmek, milli demokratik däplere eýermek we jemgyýetçilik pikirini nazara almak halkyň gadymdan gelýän ýol-ýörelgesidir. Halk Maslahaty ýüzýyllyklaryň dowamynda toplanan milli tejribä esaslanýar we şondan ugur alýar.

18 Sentýabr 2024

Mukaddes Garaşsyzlyk — döwürleriň ganaty

«Pähim-paýhas ummany Magtymguly Pyragy» ýylynda mähriban halkymyz mukaddes Garaşsyzlygymyzyň 33 ýyllyk baýramçylygyny guwandyryjy üstünliklere, buýsançly wakalara besläp, uly dabara bilen belleýär. Müňýyllyklara uzap gidýän şöhratly geçmişi bolan türkmen topragynda bu günler taryha altyn harplar bilen ýazylýan bagtyýarlyk döwrüniň şanly senesi — beýik Garaşsyzlyk toýy toýlanýar. Türkmen halky döwletliligiň, azatlygyň, galkynyşyň röwşen belentliklerine çykyp, ata-babalarymyzyň arzuwlan berkarar döwletinde, agzybirlik suprasynyň başynda bagtyýar ýaşaýar. 33 ýylda ädimme-ädim geçilen ýol, döwlet bilen halkyň ägirt uly tagallalary jemgyýetimiziň kämilligini, milletimiziň çuňňur paýhasyny, asyrlarboýy kemala getiren beýik taryhynyň şan-şöhratyny dünýä ýaýdy. Garaşsyzlygyň ýoly syýasy babatda-da, durmuş-ykdysady ösüşleri nazara alanyňda-da, uly taryhy zamananyň gerimine barabar döwürdir. Garaşsyzlyk ýyllarynda Gahryman Arkadagymyzyň milliligi döwlet syýasaty derejesinde belende galdyrmagy, Arkadagly Gahryman Serdarymyzyň bu syýasaty paýhasly dowam etdirmegi jemgyýetçiligiň durmuşyna täsir eden oňyn çözgüt boldy.

18 Sentýabr 2024

Köňülleriň kelamy

Mähriban halkymyz bu gün mukaddes Garaşsyzlygymyza guwanyp, bagtyýarlygymyza buýsanyp, beýik geljegimize, has belent sepgitlere tarap ynamly öňe barýar. Gahryman Arkadagymyzyň, Arkadagly Gahryman Serdarymyzyň taýsyz tagallalary bilen il-ýurt, umumadamzat ähmiýetli bitirilen beýik işler kalbymyzdaky ynamy artdyryp, durmuşymyza giň many-mazmun çaýýar. Garaşsyzlyk ýyllarynda ýurdumyzyň dürli ulgamlarynda beýik ösüşler gazanyldy, ählumumy parahatçylyk we howpsuzlyk babatynda netijeli işler amala aşyryldy, hoşniýetli goňşuçylyk, dostluk we hyzmatdaşlyk gatnaşyklary ösdürildi. Bu günki günde paýtagtymyzyň ajaýyp künjeginde ýerleşýän Garaşsyzlyk binasy mähriban halkymyzyň buýsanjyny goşalandyrýan, uly höwes bilen gezelenç edýän ýerine öwrüldi. Berkarar Diýarymyzyň paýtagty gözel Aşgabat, beýik ösüşlerimiziň serweri Arkadag şäheri bu gün täze gurlan we gurulýan, öňdebaryjy tehnologiýalar bilen üpjün edilen täsin ymaratlary, ýaşaýyş jaýlary, umumybilim berýän orta, ýörite orta, ýokary okuw mekdepleri, çagalar baglary, medeniýet öýleri, sport desgalary, saglygy goraýyş edaralary bilen görenleri haýrana goýýar. Türkmen döwleti hormatly Prezidentimiziň çuň parasaty netijesinde, sözüň doly manysynda bedew bady bilen beýik ösüşleriň röwşen ýoluny külterleýär. Syýasatda, medeniýetde, ykdysadyýetde gazanylýan üstünlikler ähli halkymyzy guwandyrýar. Milli kanunçylygymyz kämilleşdirilýär, jemg

18 Sentýabr 2024

Daýhançylykdan döwlet tapan

Şu ýylyň 11-nji sentýabrynda hormatly Prezidentimiziň ak pata bermegi, il sylagly ýaşulularyň hem «Bismilla» diýip başlap bermekleri bilen pagta ýygymyna guramaçylykly girişildi. Özleri üçin döredilýän mümkinçiliklerden ruhlanan welaýatymyzyň pagtaçy kärendeçileriniň aglabasy eýýäm döwlete pagta tabşyrmak baradaky şertnamalaýyn borçnamalaryny üstünlikli ýerine ýetirip, Garaşsyzlygymyzyň şanly 33 ýyllyk toýuny zähmet sowgatlary bilen garşylaýar. Il içinde janypkeş, saýlan işine ýürekden berlen adamlar bolýar. Olar başyna baran işine yhlasyny siňdirip, rysgal-döwlet gazanýarlar. Ine, Halaç etrabynyň ýaşaýjysy, «Watana bolan söýgüsi üçin» medalynyň eýesi, zähmet weterany Penji Rozyýew hem şeýle adamlaryň biri.

18 Sentýabr 2024

Türkmenistanyň Halk Maslahaty: ösüşiň aýdyň menzilleri

Türkmen halkynyň Milli Lideri Gahryman Arkadagymyzyň «Döwlet adam üçindir!» diýen şygary, hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen baş ýörelgesi bu gün dillerimiziň senasy, köňüllerimiziň owazy bolup ýaňlanýar. Mukaddes Garaşsyzlygymyzyň 33 ýyllyk baýramçylygynyň öňüsyrasynda geçiriljek Türkmenistanyň Halk Maslahatynyň nobatdaky mejlisi jemgyýetimiziň agzybirligini, jebisligini berkidip, milli demokratiýanyň aýdyň dabaralanmasyna öwrüler. Aslyny Oguz han türkmeniň döwründen alyp gaýdýan halk bilen maslahatlaşmak ýörelgesi mukaddes Garaşsyzlygymyzy, baky Bitaraplygymyzy täze many-mazmun bilen baýlaşdyrýar. «Pähim-paýhas ummany Magtymguly Pyragy» ýylynda uly syýasy-jemgyýetçilik waka öwrüljek taryhy forum türkmen halkynyň Milli Lideri Gahryman Arkadagymyzyň gol çeken Karary esasynda 2024-nji ýylyň 24-nji sentýabrynda Aşgabat şäheriniň Maslahat köşgünde geçiriler. Maslahatda jemgyýetimiziň we döwletimiziň beýik ösüşlerine gönükdirilen möhüm çözgütlerdir kararlar kabul ediler. Ata-babalarymyzyň agzybirligiň we abadançylygyň synmaz sütüni hasaplanýan ýaşuly nesil bilen maslahatlaşmak ýaly asylly ýörelgeleri häzirki wagtda hem öz güýjüni ýitirmän gelýär. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz şol pähime we milli demokratik ýörelgelere eýerip, ata-babalarymyzyň baý taryhy

18 Sentýabr 2024

‹
1
2
...
43
44
45
46
47
48
49
...
601
602
›