«7/24. tm», № 14 (149), 03.04.2023.
Ylgamagyň saglyk üçin peýdasy doly subut edilen faktdyr, ony hiç kim inkär edip bilmez. Hut şonuň üçin hem ylgamaklyk sagdyn durmuş ýörelgelerine eýerýän adamlaryň arasynda iňňän uly meşhurlykdan peýdalanýar. Ylgawlaryň dünýä ýüzünde iň giňden ýaýran sport maşky bolmagynyň ýene bir sebäbi onuň hemmeler üçin elýeterli bolmagydyr. Ylgaw bilen meşgullanmak üçin hiç hili enjamam, esbabam gerek däl. Boş wagt tapmaly, ýeňiljek geýinmeli hem-de ylgabermeli. Onuň saglyk üçin peýdasyny bolsa näçe aýtsaň aýdyp oturmaly. Ylgawyň saglyga peýdasyny öwrenmek üçin dünýä ýüzünde ýüzlerçe ylmy tejribeler, synaglar geçirildi.