«7/24. tm», № 14 (149), 03.04.2023.
Berkarar döwletiň täze eýýamynyň Galkynyşy döwründe ýurdumyzda alnyp barylýan ugurlaryň ählisinde uly üstünlikler gazanylýar. Kalby guwanç duýgusyndan doly raýatlarymyz özleriniň ýürek buýsançlaryny bize ýollan hatlarynda beýan edýärler. Olarda ýurdumyzyň dürli künjeklerinde geçirilýän köpçülikleýin medeni çykyşlar, wagyz-nesihat duşuşyklary, baýramçylyk dabaralary bilen hem tanyşmak bolýar. Aýratynam, TMÝG-niň dürli etraplardaky Geňeşleriniň wekilleri redaksiýa bilen ýakyn aragatnaşyk saklaýarlar. Olardan TMÝG-niň Kaka etrap Geňeşiniň bölüm müdiri Begli Mämmedowyň, TMÝG-niň Görogly etrap Geňeşiniň bölüm müdiri Altyn Atakowanyň, TMÝG-niň Türkmenbaşy şäher Geňeşiniň guramaçylyk bölüminiň sanly ulgam boýunça esasy hünärmeni Maýagül Garajaýewanyň, TMÝG-niň Türkmenbaşy şäher Geňeşiniň esasy hünärmeni Güljemal Baýlyýewanyň, TMÝG-niň Baýramaly etrap Geňeşiniň uly buhgalteri Tawus Kurbanowanyň, TMÝG-nyň Gyzylarbat etrap Geňeşiniň guramaçylyk bölüminiň müdiri Şöhrat Mämmethanowyň bize ýollan hatlarynda dürli mowzukda dürli ýerlerde geçirilen wagyz-nesihat duşuşyklaryndan habar berilýär.