«7/24.tm», №42 (73), 18.10.2021.
Häzirki wagtda futbolyň gyzykly dünýäsi janköýerleriň milliardlarçasyny özüne bendi edýär. Adamlaryň häsiýetleri boýunça hil-hil bolşy ýaly, janköýerler hem öz arasynda tapawutlanýar. Emma olaryň hemmesini birleşdirýän bir umumylyk bar. Bu hem futbola bolan söýgi. Bu söýginiň aňyrsynda bolsa her kimiň janköýerlik edýän topary ýa-da milli ýygyndysy, ýa-da bolmasa, Hakim Ziýeş ýaly başarjaň futbolçylar ýatandyr.
