Düýn Ýaponiýanyň paýtagty Tokio şäherinde geçirilýän XXXII tomusky Olimpiýa oýunlarynyň nobatdaky gününiň ýaryşlary tamamlandy. Ýaryşlaryň çäginde biziň ildeşimiz, agyr atletikaçy Kristina Şermetowa Tokio — 2020 Olimpiýa oýunlaryndaky çykyşyny 205 kilogram agyrlygy götermek bilen tamamlady. Şeýlelikde, ol 55 kilograma çenli agram derejesinde çykyş eden 14 türgeniň arasynda ilkinji altylyga girdi.
Ildeşimiz ştangany silterläp götermekde 90 kilogram agyrlyga hötde geldi. Bu agyrlygy ilkinji synanyşygynda göteren K.Şermetowa soňky iki synanyşykda 93 kilogram agyrlygy talabalaýyk götermek başartmady.
