Ak ertirleň nura meňzeş, gijelerňe saz gelişer,
Uçmahdan paýly goýnuňa pasly bahar-ýaz gelişer,
Gülleriň roýuna hoşluk, bilbile perwaz gelişer,
Peripisint gözellerňe jilwe bilen näz gelişer,
Asyryň husny-jemaly, joşgun-heseri, Aşgabat,
Arkadagyň dünýä dolan kämil eseri, Aşgabat!
Toý-baýramy daglar aşar, Ýer ýüzünden geler bagşy,
Munda medeniýetler duşar, saz-söhbetler joşar ýagşy,
Watan — deňli-derejeli döwletleriň köňül nagşy,
Döwlet üste döwlet goşar halkyň tämiz aň-garaýşy,
Asyryň husny-jemaly, joşgun-heseri, Aşgabat,
Arkadagyň dünýä dolan kämil eseri, Aşgabat!
