Döwürleriň we köňülleriň şahyry dana Magtymgulynyň at-owazasy Berkarar döwletiň täze eýýamynyň Galkynyşy döwründe has-da belende galdy.
Akyldar şahyryň edebi mirasy Watana, onuň keremli topragyna bolan beýik söýgä, belent duýga eýlenendir. Magtymgulynyň döredijiligi bilen içgin gyzyklanan A.N.Samoýlowiç şahyryň döredijiligine Hekim atanyň güýçli täsir edendigini nygtap: «Hywada dini bilim alan türkmen şahyry Magtymgulynyň öňki horezmli sopy Hekim atanyň edebi eserleri bilen baglanyşyklydygy şübhesizdir» diýip ýazypdyr. Ol Magtymgulynyň «Hezarystana sary» we Hekim atanyň «Şeýhim Ahmet Ýasawy» diýen goşgularyndan şu aşakdaky iki bendi mysal getiripdir:
