Welaýatymyzyň açyk çempionaty

Sport
23 Iýul 2024
175

Türkmen halkynyň Milli Lideri Gahryman Arkadagymyzyň başlangyçlaryny mynasyp dowam etdirýän Arkadagly Gahryman Serdarymyz ýurdumyzda köpçülikleýin sporty we bedenterbiýäni ösdürmek, wagyz etmek boýunça ägirt uly işleri durmuşa geçirýär. Şonuň netijesinde ýurdumyzyň türgenleri döwlet we halkara derejede geçirilýän dürli sport ýaryşlaryna gatnaşyp, baýrakly orunlara mynasyp bolýarlar. Golaýda Köneürgenç etrabynyň 2-nji sport mekdebinde sportuň uşu görnüşi boýunça welaýatymyzyň açyk çempionatynyň geçirilmegi-de türgenleriň sport ussatlyklaryny artdyrmaklaryna uly mümkinçilik berip, sportuň bu görnüşini wagyz etmekde, ösdürmekde uly ähmiýete eýe boldy. Bu ýaryşa ýurdumyzyň ähli künjeginden 2007-2014-nji ýylda doglan ýaş ýetginjekler gatnaşdylar. Örän çekeleşikli geçen ýaryşda ýaş türgenler öz ussatlyklaryny görkezdiler. Ýeňijilere etrabyň jemgyýetçilik guramalarynyň  adyndan ýadygärlik sowgatlar gowşuryldy.

Gülhumar HOJAHMETOWA,
TKA-nyň Köneürgenç etrap birleşmesiniň esasy hünärmeni.
Beýleki habarlar