Ýaş pälwanlar bäsleşdiler

Sport
1 Fewral 2024
453

Görogly etrabyndaky 2-nji sport mekdebinde türkmen milli göreşi boýunça welaýat çempionaty geçirildi. Gyzykly geçen ýaryşa welaýatymyzyň ähli etraplaryndan ýaş pälwanlaryň ençemesi gatnaşdylar. Ýaryş 8 agram derejesinde geçirildi. Çekeleşikli geçen ýaryş türgenleriň ýokary derejede taýýarlykly gelendigini görkezdi. Ýaryşyň netijesine görä, ýeňiş gazanan türgenleriniň sany boýunça Görogly etrabynyň topary birinji, Saparmyrat Türkmenbaşy etrabynyň topary ikinji, Akdepe etrabynyň topary üçünji orunlara mynasyp boldular. Ýeňiş gazanan türgenlere Hormat hatlary we baýraklar dabaraly ýagdaýda gowşuryldy.

Toýly SABYROW,
Görogly etrabynyň bedenterbiýe we sport bölüminiň başlygy.
Beýleki habarlar