2011-2012-nji ýyllarda doglan çagalaryň arasynda grek-rim göreşi boýunça Aşgabat şäheriniň bedenterbiýe we sport baradaky Baş müdirliginiň 5-nji sport mekdebiniň açyk birinjiligi geçirildi. Ýaryşa Aşgabat şäheriniň sport mekdeplerinden 100-den gowrak türgen gatnaşdy.
Türgenler 10 agram derejesinde çykyş etdiler. Aşgabat şäheriniň bedenterbiýe we sport baradaky Baş müdirliginiň 5-nji sport mekdebiniň tälimçi-mugallymy M.Soltanowyň şägirtleri dürli agramlarda üstünlikli çykyş edip, baýrakly orunlaryň 13-sini eýelemegi başardylar. Şolardan 7-si birinji, 6-sy ikinji orny eýelemegiň hötdesinden geldi. S.Şirow 21 kg-de, A.Koroglyýew 23 kg-de, I.Aliýew 25 kg-de, Ş.Ataýew 30 kg-de, H.Gylyjow 32 kg-de, A.Begimow 36 kg-de, H.Hashojaýew 44 kg-de hormat münberiniň iň ýokarky basgançagyna çykdylar. W.Halmuhammedow, R.Çörliýew, H.Halmuhammedow, A.Nurýagdyýew, D.Annamyradow we S.Durdyýew bolsa ikinji orna mynasyp boldular.
