Türkmenabat şäheriniň sport toplumynda 2008 — 2009-njy ýyllarda doglan ýetginjekleriň arasynda futbol ýaryşy geçirildi. Okuwçylaryň tomusky dynç alyş möwsümine bagyşlanyp guralan bu ýaryşa Aşgabat şäheriniň we Mary welaýatynyň hersinden iki, welaýatymyzdan dört we Daşoguzdan bir topar gatnaşdy.
Toparlaryň arasynda guralan duşuşyklar gyzgalaňly häsiýete eýe boldy. Çekeleşikli geçen toparara ýaryşlaryň netijelerine görä, ýarym finalda Türkmenabadyň «Altyn ýyldyz» topary Daşoguzyň «Köpetdag» topary bilen, welaýat merkezimiziň «Nesil» topary bolsa Dänew etrabynyň «Galkynyş» topary bilen duşuşdy. Degişlilikde 1:3 we 4:0 hasabynda tamamlanan bu duşuşyklaryň netijeleri boýunça «Nesil» we «Köpetdag» toparlarynyň oýunçylary finala çykdylar. Final duşuşygynda welaýatymyzyň ýetginjekleri daşoguzly futbolçylary 6:0 hasabynda utup, birinji orny eýelediler.
