Formula 1 boýunça möwsümiň 10-njy ýaryşy Awstriýanyň Spilberg şäherindäki «Red Bull Ring» trassasynda geçirilip, soňky çempion ýeňiş gazandy. «Red Bull» toparynyň niderland sürüjisi Maks Werstappen ýaryşy başlaýşy ýaly tamamlap, ol 71 aýlawy 1 sagat 25 minut 33,607 sekuntda geçmegi başardy. Sprint ýaryşynda-da öňe saýlanan Werstappen bassyr 5-nji, möwsümdäki 7-nji, karýerasyndaky 42-nji ýeňşini baýram etdi.
Bu ýeňiş «Red Bull» toparynyň bassyr 10-njy, şeýle-de soňky 20 «Gran Pri»-de 19-njy ýeňşidir. Topar nobatdaky ýaryşda hem ýeňiş gazansa, onda «McLaren» toparynyň rekordyny gaýtalar. «McLaren» topary 1988-nji ýylda rowaýaty sürüjileri Aýrton Senna hem-de Alen Prost bilen yzly-yzyna 11 ýaryşda ýeňiş gazanypdy.