«7/24 tm» № 27 (162) 03.07.2023
2023-nji ýylyň 28-nji iýunynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türki dünýäsiniň inženerler we binagärler birleşiginiň Baş sekretary Ilýas Demirjini kabul etdi. Duşuşygyň dowamynda Arkadag şäheriniň ekologiýa nukdaýnazaryndan ýokary baha mynasypdygy bellenildi. «Aziýanyň öwşün atýan ýyldyzy» hökmünde ykrar edilen täze şäheriň binagärlik çözgüdi, onuň täzeçil tehnologiýalary, ekologiýa derejesi babatda halkara ähmiýetli güwänamalara mynasypdygy nygtaldy. Duşuşykdan soňra myhman Gahryman Arkadagymyza Türki dünýäsiniň inžener we binagärler birleşiginiň «Türki dünýäsine ýokary hyzmatlary üçin» atly medalyny gowşurdy.